برسبین: انجری سے صحت یابی پر اسکواڈ نے شاہین آفریدی کا کیسا استقبال کیا؟ پی سی بی نے ویڈیو جاری کردی۔
تفصیلات کے مطابق انجری سے صحت یابی کے بعد شاہین آفریدی کا قومی کھلاڑیوں نے پُرتپاک استقبال کیا۔
پاکستان کرکٹ بورڈ کی جانب سے سوشل میڈیا پر ایک ویڈیو شیئر کی گئی ہے جس میں شاہین شاہ آفریدی اور فخر زمان کو قومی ٹیم کو جوائن کرتے وقت کے مناظر دکھائے گئے ہیں۔
ویڈیو میں دیکھا جا سکتا ہے کہ شاہین شاہ آفریدی فرداً فرداً تمام کھلاڑیوں سے مل رہے ہیں اور ایک دوسرے کا حال احوال بھی دریافت کررہے ہیں۔
یہ بھی پڑھیں: ٹی 20 ورلڈکپ: ایونٹ کے آغازپر سری لنکا کو بڑا دھچکا
ویڈیو میں حارث رؤف کی جانب سے شاہین شاہ آفریدی کو والہانہ انداز میں ویلکم کرنے کے مناظر بھی دکھائے گئے ہیں۔
🦅🇵🇰🫂@iShaheenAfridi and @FakharZamanLive reunite with Pakistan's #T20WorldCup squad in Brisbane 🤗#WeHaveWeWill pic.twitter.com/aL5dZRtj0M
— Pakistan Cricket (@TheRealPCB) October 16, 2022
پی سی بی کی جانب سے شئیر ویڈیو میں حارث رؤف شاہین شاہ آفریدی کو مخاطب کرتے ہوئے کہہ رہے ہیں کہ ایک سینئر بولر ہونے کی حیثیت میں آپ کو ویلکم کرتا ہوں۔
ویڈیو میں دیکھا جا سکتا ہے کہ حارث رؤف شاہین شاہ آفریدی کو ایک بستہ اور گلے میں ڈالنے والا کارڈ دے رہے ہیں اور ساتھ میں کہہ رہے ہیں کہ آپ کو ٹی ٹوئنٹی ورلڈکپ کے لیے ٹیم میں شامل ہونے پر خوش آمدید کہتے ہیں، ایک سینئر بولر ہونے کی حیثیت میں آپ کو ویلکم کرتا ہوں۔
