کراچی : شہوار (عدنان صدیقی) کی ہارمونیم پر مشہور ملی نغمہ ‘سوھنی دھرتی اللہ رکھے’ گانے کی ویڈیو مقبول ہوگئی۔
تفصیلات کے مطابق پاکستانی شوبز انڈسٹری کے نامور اداکار عدنان صدیقی کی آواز میں گایا ہوا ملی نغمہ ‘سوہنی دھرتی اللہ رکھے’ سوشل میڈیا پر وائرل ہوگیا۔
اداکار عدنان صدیقی کا ویسے تو اداکاری میں کوئی ثانی نہیں لیکن ان دنوں وہ پاکستان کے مقبول ترین ڈرامہ سیریل ‘میرے پاس تم ہو’ میں شہوار کے کردار کی وجہ سے خبروں کی سرخیوں میں کچھ زیادہ آرہے ہیں۔
اس معصوم سی شکل والے خوبصورت اور خوش مزاج اداکار میں گلوکاری کا فن بھی پوشیدہ ہے کسی کو معلوم نہیں تھا۔
عدنان صدیقی کی اب تک بانسری سے بہت سے نغموں اور گیت گانے کی ویڈیو سوشل میڈیا پر جاری ہوچکی ہیں لیکن اب اداکار کی مشہور نغمہ ‘سوہنی دھرتی اللہ رکھے’ گانے کی ویڈیو کافی مقبول ہورہی ہے۔
اداکار نے انسٹا گرام پر ویڈیو شیئر کی جس میں انہیں ایک نجی ٹی وی چینل کے پروگرام میں آلات موسیقی (ہارمونیئم بجاتے ہوئے) کا استعمال کرتے ہوئے مشہور ملی نغمہ ‘سوہنی دھرتی اللہ رکھے’ گاتے دیکھا جاسکتا ہے۔
عدنان صدیقی نے کیپشن میں یہ بھی کہا کہ جب بھی یہ گیت سنتے ہیں تو سرزمینِ پاکستان پر آپ کا فخر بڑھ جاتا ہے، اللہ ہمارے ملک کو ہمیشہ آباد رکھے۔