The news is by your side.

Advertisement

کویت میں بزرگ شہری پر بہیمانہ تشدد کی ویڈیو نے دل دہلا دیے

کویت میں بزرگ شہری کو بدترین تشدد کا نشانہ بنانے کے واقعے نے شہریوں کے دل دہلا دیے۔

کویتی میڈیا کے مطابق سوشل میڈیا پر زیرگردش ویڈیو میں ایک شخص کو بزرگ شہری پر بہیمانہ تشدد کرتے ہوئے دیکھا جا سکتا ہے۔

جائے وقوعہ کے قریب لگے کیمرے کی فوٹیج میں صاف نظر آرہا ہے کہ ایک شخص بزرگ شہری پر ٹوٹ پڑتا ہے چپل اور بیلٹ جیسی کسی ٹھوس چیز سے شہری کو تشدد کا نشانہ بناتا ہے۔

https://twitter.com/salhaali1/status/1514098352010534913?s=20&t=AlwmAdqlbdYTYjLO_Y9fUA

چند لمحوں کے وقفے کے بعد دوبارہ سے بے رحم شخص بزرگ شہری کی جانب بڑھتا ہے اور اسے مار پیٹ کر سڑک پر دھکیل دیتا ہے۔

جواب میں متاثرہ شہری کوئی مزاحمت نہیں کرتا جب کہ وقوعہ پر ایک اور شخص کو بھی کھڑے ہوئے دیکھا جا سکتا ہے جو سارے واقعے پر خاموش تماشائی بنا رہا۔

Comments

یہ بھی پڑھیں