The news is by your side.

Advertisement

امریکی فوجیوں کی توڑپھوڑ کی ویڈیو وائرل

افغانستان سے قریباً 20 سال بعد انخلا کرنے والی امریکی فوج جاتے جاتے کابل ایئرپورٹ پر فوجی ‏ساز و سامان کو ناکارہ بنا گئی۔

امریکی فوج نے ایئرپورٹ پر کھڑے طیاروں، آرمڈ وہیکلز، ہیلی کاپٹرز اور دیگر اشیاء کو ناقابل ‏استعمال بنایا۔ ‏
فوجیوں نے توڑ پھوڑ کی، آلات خراب کیے اور مواصلات نظام کو ناکارہ بنایا۔

اس حوالے سے ویڈیوز بھی منظرعام پر آئی ہیں جس میں دیکھا جا سکتا ہے کہ فوجی تھوڑ پھوڑ ‏کررہے ہیں۔ امریکا نے جاتے جاتے اس بات کو یقینی بنایا کہ فوجی سامان، ہتھیار اور طیارے ‏طالبان کے لیے ناقابل استعمال ہو جائیں۔

امریکی کی ان کارروائیوں سے طالبان کے لیے کابل ایئرپورٹ کو چلانے کے لیے چیلنجز کھڑے ہو ‏گئے ہیں۔

ڈچ وزیرخارجہ نے اعلان کیا ہے کہ کابل ایئرپورٹ کوفعال ‏کرنے کیلئے ترکی اور قطر کی مدد کریں ‏گے۔

انہوں نے کہا کہ افغانستان سےڈچ اور افغان شہریوں کو بحفاظت نکالناچاہتےہیں اس مقصد کے ‏‏لیے کابل ایئرپورٹ سے پروازوں کی بحالی اور فعالیت کے لیے مالی مدد بھی کریں گے۔

Comments

یہ بھی پڑھیں