دبئی: متحدہ عرب امارات میں ساحل کے نزدیک پاناما کے بحری ٹینکر میں آگ بھڑک اٹھی جس کے نتیجے میں 2 ملاح ہلاک اور 2 شدید زخمی ہوگئے جبکہ متعدد لاپتا ہیں۔
خلیج ٹائمز کی رپورٹ کے مطابق متحدہ عرب امارات کے ساحل سے 21 میل دوری پر بحری ٹینکر حادثے کا شکار ہوگیا، ٹینکر میں 55 افراد سوار تھے جن میں 12 عملے کے ارکان ہیں، بحری ٹینکر پر پاناما کا جھنڈا لہرا رہا تھا، آتشزدگی کے نتیجے میں ہلاک ملاح کا تعلق بھارت سے بتایا جاتا ہے۔
ریسکیو اداروں نے امدادی کاموں کا آغاز کرتے ہوئے جہاز کے عملے کے ارکان کو بحفاظت نکال لیا تاہم 2 بھارتی ملاحوں کی جھلسی ہوئی لاشیں بھی ملی جبکہ 2 کو شدید زخمی حالت میں طبی امداد کے لیے اسپتال منتقل کردیا گیا ہے۔
Federal Transport Authority – Land & Maritime (FTA) stated that the UAE authorities are working to put out a fire that broke out aboard an oil tanker 21 miles off the cost of Sharjah after receiving a distress message. A proper investigation is in progress. pic.twitter.com/HE5pEDrUyj
— Jaber Al Lamki (@jallamki) January 29, 2020
ریسکیو ترجمان کا کہنا ہے کہ متعدد حادثے میں متعدد افراد لاپتا ہیں جن کی تلاش جاری ہے، انتظامیہ کی جانب سے ہلاک اور زخمی ہونے والوں کی شناخت ظاہر نہیں کی گئی ہے جبکہ بحری ٹینکر سے متعلق معلومات بھی نہیں دی گئی ہیں۔
ایف ٹی اے نے حادثے کی تصدیق کرتے ہوئے کہا کہ بحری جہاز تیل سے بھرا ہوا نہیں تھا، واقعے کی تحقیقات جاری ہیں ابتدائی تحقیقات میں آتشزدگی کو حادثہ قرار دیا گیا ہے۔