پیرس: فرانس سے مصر جانے والی نجی ایئرلائن کی پرواز میں جھگڑا کرنے پر عرب فیملی کو طیارے سے آف لوڈ کردیا گیا جس کی ویڈیو سوشل میڈیا پر وائرل ہوگئی۔
عرب میڈیا کے مطابق رومانیا کے طیارہ فرانس سے مصر جارہا تھا کہ ایک عرب فیملی کی جانب سے کریو ممبر کی جانب سے جھگڑا کرنے پر انہیں پولیس کی جانب سے آف لوڈ کردیا گیا۔
رپورٹ کے مطابق طیارے میں جھگڑا اس وقت شروع ہوا جب موروکو سے تعلق رکھنے والی عرب خاتون نے ’ہینڈ بیگ‘ ساتھ رکھنے پر اصرار کیا جبکہ کریو ممبر کی جانب سے کہا گیا کہ آپ ایمرجنسی دروازے کے سامنے بیٹھی ہیں لہٰذا ہیںڈ بیگ کو یہاں نہ رکھیں۔
خاتون نے کریو ممبر کے ساتھ جھگڑا شروع کردیا اور موقف اختیار کیا کہ ان کے بیگ میں فائلز اور کچھ اہم دستاویزات موجود ہیں اس وجہ سے وہ اس کو کہیں اور نہیں رکھیں گی۔
بعدازاں کیبن کریو کی جانب سے پولیس کو بلوایا گیا اور مذکورہ عرب فیملی کو طیارے سے اتار دیا گیا، جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ فیملی پولیس اہلکاروں کے آنے کے باوجود طیارے سے اترنے کے لیے تیار نہیں ہے اور پولیس اہلکار زبردستی انہیں طیارے سے اتارا جارہا ہے۔
مصری اور موروکو ایمبیسی کا کہنا ہے کہ طیارے میں پیش آنے والے واقعے کی تحقیقات کا آغاز کردیا گیا ہے۔
عرب فیملی رومانیا کے طیارے سے آف لوڈ کیے جانے کے بعد ایک دوسری فلائٹ سے مصر کے لیے روانہ ہوگئی۔
