یوکرین کے دارالحکومت کیف میں جنگ کی براہ راست کوریج کے دوران یکے بعد دیگرے بم دھماکوں سے نیوز رپورٹر اور عملے کے دل دہل گئے۔
سی بی سی نیوز چینل کے رپورٹر چارلی دی اگیٹا کیف کی صورتحال پر لائیو رپورٹنگ کر رہے تھے کہ ان عقب میں ہونے والے شدید دھماکوں سے پورا علاقہ گونج اٹھا۔
دھماکے اس قدر زوردار تھے کہ آسمان پر چھائی تاریکی میں جیسے روشنی پھیل گئی اور یہ تمام مناظر ٹی وی براہ راست نشر ہوئے۔
WATCH: 2 large explosions light up the Kyiv skyline as reporter goes off the air pic.twitter.com/MXlYuD8i6J
— BNO News (@BNONews) March 3, 2022
ویڈیو میں دیکھا جاسکتا ہے کہ رپورٹر اپنے پیشہ وارانہ امور کی انجام دہی کے دوران جنگ زدہ کیف کے کسی مقام پر کھڑے ہو کر صورتحال سے آگاہ کر رہے کہ اچانک پہلا زوردار دھماکا ہوا تو صحافی خاموش ہو گیا۔
ابھی صورتحال واضح نہیں ہوئی تھی کہ چند سیکنڈ کے فرق سے دوسرا دھماکا ہوا اور ان دھماکوں کے بعد براہ راست کوریج کو بند کرنا پڑ گیا۔