The news is by your side.

Advertisement

ویڈیو اسکینڈل: ن لیگ نے درخواست الیکشن کمیشن میں جمع کرادی

اسلام آباد: مسلم لیگ ن نے ویڈیو اسکینڈل سے متعلق تحقیقات کے لیے درخواست الیکشن کمیشن میں جمع کرادی۔

تفصیلات کے مطابق لیگی رہنما مرتضیٰ عباسی کی جانب سے درخواست جہانگیرجدون نے جمع کرائی۔ درخوست میں چیئرمین پی ٹی آئی عمران خان، سابق وزیراعلیٰ پرویز خٹک، ڈی جی ایف آئی اے، پیمرا اور سابق اسپیکر خیبر پختوانخوا اسمبلی کو بھی درخوست میں فریق بنایا گیا ہے۔

درخواست کے متن میں کہا گیا ہے کہ آئین کے تحت الیکشن کمیشن، انتخابات شفاف اور آزادانہ بنانے کا ذمے دار ہے، الیکشن کمیشن کو اختیار ہے کہ وہ کسی بھی ادارے سے تحقیقات کرا سکتا ہے۔

درخواست کے مطابق پی ٹی آئی کے ایم پی ایز جن پر پیسے لینے کا الزام لگا رہے ہیں وہ تحقیقات نہیں کرسکتے، الیکشن کمیشن ویڈیواسکینڈل کی صاف شفاف تحقیقات کرائے۔

سینیٹ الیکشن ویڈیو اسیکنڈل:تحقیقاتی کمیٹی کا ویڈیو منظرعام پر لانے والے صحافی کو بلانے کا فیصلہ

جہانگیرجدون کا میڈیا سے گفتگو کرتے ہوئے کہنا تھا کہ ویڈیو اسیکنڈل پر الیکشن کمیشن سے تحقیقات کاکہا ہے، پی ٹی آئی کے ایم پی ایز پرویز خٹک پر الزام لگارہے ہیں۔

ان کا مزید کہنا تھا کہ انتخابی عمل میں کسی نے ووٹ خریدا ہے تو الیکشن کمیشن تحقیقات کرائے، حکومت کی بنائی گئی کمیٹی پر ہمیں اعتماد نہیں ہے۔

Comments

یہ بھی پڑھیں