The news is by your side.

ویڈیو: کالج کے باہر لڑتے طلبا کو گاڑی نے ٹکر ماردی

بھارت میں کالج کے باہر جھگڑتے طلبا کو گاڑی نے ٹکر ماردی جس کی ویڈیو سوشل میڈیا پر وائرل ہوگئی۔

بھارتی میڈیا رپورٹس کے مطابق ریاست اترپردیش کے شہر غازی آباد میں انجینئرنگ کالج کے سینئر اور جونیئر طلبا کے درمیان تلخ کلامی کے بعد جھگڑا ہوگیا۔

وائرل ویڈیو میں دیکھا جاسکتا ہے کہ متعدد طلبا تیز رفتار کار کو دیکھتے ہی عجلت میں راستے سے ہٹ جاتے ہیں۔

بعدازاں دو طالب علم کار سے ٹکرانے کے بعد گر گئے لیکن چند لمحوں بعد ہی دونوں نے کھڑے ہوکر دوبارہ ایک دوسرے کو مارنا شروع کردیا۔

ویڈیو میں دیکھا جاسکتا ہے کہ راہگیر نے طالب علم کو روکا اور نہیں رکنے پر اسے تھپڑ مارنے شروع کردیے۔

پولیس کا کہنا ہے کہ واقعے کا مقدمہ درج کرلیا گیا ہے اور کچھ  طلبا کو حراست میں لے لیا گیا ہے ان سے پوچھ گچھ کی جا رہی ہے۔

Comments

یہ بھی پڑھیں