دبئی: ایشیا کپ ٹی ٹوئنٹی کرکٹ ٹورنامنٹ میں پاک بھارت ٹاکرے کے بعد بھارتی اسٹار بیٹر ویرات کوہلی کی فاسٹ بالر حارث رؤف کو تحفہ دینے کی ویڈیو سامنے آئی ہے۔
ایشیا کپ کے آغاز سے ہی پاکستان اور بھارتی کرکٹرز کی ملاقاتوں کی ویڈیوز سامنے آرہی ہیں، جن میں کرکٹرز ایک دوسرے کیلئے نیک خواہشات کا اظہار بھی کررہے ہیں، ان ویڈیوز کو کرکٹ شائقین کی جانب سے بھی کافی سراہا جارہا ہے، ایسا ہی کچھ گزشتہ روز اک بار پھر پاک بھارت میچ کے بعد بھی دیکھنے میں آیا۔
بھارتی کرکٹ بورڈ کی جانب سے ایک ویڈیو جاری کی گئی ہے، جس میں دیکھا جاسکتا ہے کہ میچ کے بعد بھارتی کرکٹر ویرات کوہلی نے پاکستانی فاسٹ بولر حارث رؤف کو اپنے آٹوگراف والی جرسی تحفے میں دے رہے ہیں۔
یہ بھی پڑھیں: ویرات کوہلی کی وسیم اکرم سے ملاقات اور گلے لگانے کی ویڈیو وائرل
بھارتی کرکٹ بورڈ نے ویڈیو شیئر کرتے ہوئے لکھا کہ ‘میچ تو ختم ہوگیا ہے لیکن اس طرح کے یادگار لمحات ہمیشہ ذہنوں میں محفوظ رہیں گے، کوہلی کا پاک بھارت میچ کے اختتام پر پاکستان کے حارث رؤف کو دستخط شدہ جرسی دیتے ہوئے دل کو چھولینے والا اقدام’۔
The match may be over but moments like these shine bright ✨👌
A heartwarming gesture by @imVkohli as he hands over a signed jersey to Pakistan's Haris Rauf post the #INDvPAK game 👏👏#TeamIndia | #AsiaCup2022 pic.twitter.com/3qqejMKHjG
— BCCI (@BCCI) August 29, 2022
خیال رہے کہ دبئی انٹرنیشنل اسٹیڈیم میں کھیلے گئے ایشیا کپ کے دوسرے میچ میں روایتی حریف پاکستان اور بھارت آمنے سامنے تھے، جہاں پاکستان کو سنسنی خیز مقابلے کے بعد بھارت کے ہاتھوں شکست کا سامنا کرنا پڑا۔
