تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ویانا :6 مختلف مقامات پر دہشت گرد حملے، 2 شہری ہلاک، ایک حملہ آور بھی مارا گیا

ویانا : آسٹریا کے دارالحکومت ویانا میں 6 مختلف مقامات پر دہشت گرد حملوں میں دو شہری ہلاک اورمتعدد زخمی ہوگئے جبکہ ایک حملہ آور بھی مارا گیا۔

تفصیلات کے مطابق آسٹریا کے دارالحکومت ویانا میں مسلح افراد نے یہودی عبادت گاہ کے قریب فائرنگ کرکے 2 افراد کو ہلاک اورمتعدد کو زخمی کردیا۔

پولیس کی فائرنگ سے ایک حملہ آورمارا گیا جبکہ ایک کو حراست میں لےلیا گیا، حملے کے بعد دہشت گردوں نے قریبی ہوٹل پرقبضہ کرکے ہوٹل میں موجود افراد کو یرغمال بنالیا اوردیگر کئی مقامات پر فائرنگ کی۔

ویانا پولیس نے متاثرہ علاقوں کامحاصرہ کرکے حملہ آوروں کےخلاف کارروائی شروع کردی ہے۔

آسٹریا کے وزیرداخلہ کا کہنا ہے کہ ایک حملہ آور کو ہلاک اور ایک گرفتارکرلیا گیا ہے،حملےمیں متعدد دہشت گردملوث ہیں، ابتدائی اطلاعات کے مطابق حملہ آوروں کی تعداد چھ سے سات بتائی جاتی ہے۔

آسٹریا کے وزیرداخلہ نے علاقہ میں لوگوں کو گھروں میں رہنے کی ہدایت کرتے ہوئے کہا آج اسکول بند رہیں گے، شہری عوامی مقامات پر جانے سے گریز کریں۔

آسٹرین وزیرداخلہ کا کہنا تھا کہ دہشت گردوں کا تعاقب جاری رکھے ہوئے ہیں ، فرارہونےوالےایک دہشت گردکی تلاش جاری ہے،سرحدی علاقوں میں تلاشی،فورسز کی تعداد بڑھادی ہے، دہشت گردتربیت یافتہ ،منظم اورخطرناک تھے تاہم دہشت گردوں میں خود کش حملہ آور کے شامل ہونے کی تصدیق نہیں کرسکتے۔

آسٹریا کے چانسلرنے ویانا حملے کوگھناؤنی دہشت گردی قرار دیتے ہوئے کہاگھناؤنے حملے میں ملوث افراد کے خلاف فیصلہ کن کارروائی کریں گے۔

آسٹریا کے دار الحکومت ویانا میں مسلح افراد کے حملے کے بعد امریکہ نے اپنےشہریوں کیلئے سفری ہدایات جاری کی ہیں، امریکی حکام نےاپنے شہریوں کومشورہ دیا ہے کہ وہ کچھ عرصہ تک آسٹریاکاسفرملتوی کردیں اورآسٹریا میں موجود امریکی شہری ویانا مین نقل ول حرکت سے اجتناب کریں۔

Comments

- Advertisement -