site
stats
انٹرٹینمںٹ

ہالی ووڈ اداکار ون ڈیزل بھی رمضان المبارک کے معترف

ہالی ووڈ کے معروف اور اپنی فٹنس کے حوالے سے نہایت مشہور اداکار ون ڈیزل بھی ماہ رمضان کی فضیلتوں معترف ہوگئے اور اسے نظم و ضبط حاصل کرنے کا بہترین ذریعہ قرار دیا۔

امریکی ہپ ہاپ فنکار فرنچ مونٹانا نے اپنے انسٹاگرام اکاؤنٹ پر ایک ویڈیو شیئر کی جس میں ان کے ساتھ ون ڈیزل بھی موجود ہیں۔

ویڈیو میں دونوں فنکار دنیا بھر کے مسلمانوں کو ماہ رمضان کی مبارک باد دیتے اور ان کے لیے نیک خواہشات کا اظہار کرتے نظر آرہے ہیں۔

مزید پڑھیں: ہالی ووڈ اداکار ون ڈیزل شیروانی میں ملبوس

ویڈیو میں ون ڈیزل کہتے نظر آتے ہیں، ’ہم یہاں رمضان کی نہایت اہم تعطیلات ایک ساتھ گزار رہے ہیں۔ مجھے فخر ہے کہ میرا بھائی یہاں رمضان کے روزے رکھ رہا ہے‘۔

مونٹانا نے جواب میں کہا، ’ہاں میں کوشش کررہا ہوں کہ میرا بھائی بھی میرے ساتھ روزے رکھے، رمضان مبارک‘۔

ماہ رمضان کے حوالے سے ون ڈیزل کا کہنا تھا کہ ماہ رمضان میں لوگ نظم وضبط کو طویل وقت کے لیے اپناتے ہیں جو سب کے لیے اچھا ہے۔ یہ مہینہ پھر سے کھوئی ہوئی توانائی بحال کرنے اور شفا پہنچانے کا ذریعہ بھی ہے۔

with my brother @vindiesel 1st day of Ramadan

A post shared by French Montana (@frenchmontana) on


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top