The news is by your side.

Advertisement

ونود کھنہ کینسر کے مرض میں مبتلا‘ تصاویر سے مداحوں کو تشویش

ممبئی : ماضی کے مقبول ترین اور رومانٹک ہیرو ونود کھنہ کی نئی تصاویر نے سوشل میڈیا میں تشویش کی لہر دوڑا دی ہے جس کے بارے میں کہا جا رہا ہے کہ کینسر کے علاج کے لیے اسپتال میں آئے ونود کھنہ کی اہل خانہ کے ہمراہ لی گئی ہے۔

تفصیلات کے مطابق بھارتی فلم انڈسٹری پر ایک عرصے تک عروج کرنے والے رومانٹک ہیرو ونود کھنہ آج کل کینسر جیسے موزی مرض سے نبرد آزما ہیں اور مقامی اسپتال میں زیر علاج ہیں جہاں سے ان کی تصویر سوشل میڈیا میں گردش کرنے لگی۔
vinod1
سوشل میڈیا پر ونود کھنہ کی بیماری کی حالت میں نہایت نحیف حالت میں تصویر نے ان کے مداحوں کو تشویش میں مبتلا کردیا اور سماجی رابطے کی ویب سائٹ پر نیک تمناؤں اور دعاؤں کے اظہار کا تانتا بندھ گیا اور فلم بین مداح اپنے ہیرو کو خراج تحسین پیش کرنے اور ہمت بندھانے لگے۔
vinod4

ونود کھنہ کے صاحبزادے سے تمام مداحوں کا شکریہ ادا کرتے ہوئے بتایا کہ والد صاحب کی طبعیت بہتر ہے اور مقامہ اسپتال مین علاج جاری ہے جہاں ماہر معالجین ان کا بہترین علاج کر رہے ہیں اور یہاں کا اسٹاف بہت معاون اور ماہر ہے۔
vinod5
ونود کھنہ کے صاحبزادے نے اپیل کی کہ محبت کایہ سلسلہ دراز رکھیے اور پورے اہل خانہ کو اپنی دعاؤں میں یاد رکھیں کیوں کہ اس وقت یہی سب سے بڑا سرمایہ ہے اور جلد ہی عوام کے درمیان ہوں گے۔
vinod6
ونود کھنہ بھارتی فلم انڈسٹری میں وہ واحد اداکار تھے جو ہیرو کے ساتھ ساتھ سائیڈ ہیرو کا کردار بھی بہ خوبی ادا کرتے اور امیتابھ بچن کے ساتھ ان کی کئی کامیاب فلمیں ہیں جیسے امر اکبر انتھونی، قربانی، مقدر کا سکندر، جرم وغیرہ ان کے کریڈٹ پر ہیں۔

ونود کھنہ نے فلم انڈسٹری کے علاوہ راج نیتی میں بھی اپنا کردار ادا کر رہے ہیں اور پارلیمنٹ کے رکن منتخب بھی ہوئے ہیں جہاں وہ اپنے علاقے کے عوام کی خدمت میں مصروف عمل رہتے ہیں اس کے باوجود فلم سے ناطہ نہیں توڑا اور کچھ عرصے قبل تک فلمیں کرتے رہیں جس میں ولن سے لے کر پروفیسرز تک کے کردار ادا کیے۔

Print Friendly, PDF & Email

Comments

comments

یہ بھی پڑھیں