The news is by your side.

Advertisement

سیزفائر کی خلاف ورزی، سینئربھارتی سفارتکار ایک بار پھر دفترخارجہ طلب

اسلام آباد: بھارتی فوج کی جانب سے لائن آف کنٹرول(ایل او سی) پر مسلسل سیزفائر کی خلاف ورزی پر پاکستان نے ایک بار پھر سینئربھارتی سفارت کار کو دفترخارجہ طلب کرکے شدید احتجاج کیا۔

تفصیلات کے مطابق ترجمان دفترخارجہ نے کہا ہے کہ پاکستان نے سینئربھارتی سفارت کار کے سامنے شدید احتجاج ریکارڈ کرایا، 9جون کو بھارتی فوج نے سویلین آبادی کو نشانہ بنایا، بھارتی فائرنگ سے دو بچوں سمیت 4افراد زخمی ہوئے۔

دفترخارجہ کا کہنا ہے کہ اس سال بھارت 1296بارسیز فائر کی خلاف ورزی کرچکا ہے، رواں سال بھارتی فائرنگ سے 7افراد شہید اور 98زخمی ہوئے، سویلین آبادی کو نشانہ بنانا قابل مذمت ہے۔

بھارتی فوج کی ایل او سی پر بلااشتعال فائرنگ، 2 خواتین اور 2 بچے زخمی

خیال رہے کہ بھارتی فوج کی جانب سے ایل او سی پر بلااشتعال فائرنگ معمول بن چکا ہے، متعدد بار بھارتی سفارت کار اور دیگر اعلیٰ حکام دفترخارجہ طلب کیے جاچکے ہیں لیکن اس کے باوجود بھارت نے اپنی روش نہ بدلی۔

رواں سال کے آغاز سے بھارتی فوج کی جانب سے سیزفائر کی خلاف ورزیاں زیادہ ریکارڈ کی گئی ہیں۔ جبکہ پاک فوج بھی بھارتی اشتعال انگیزی کا بھرپور جواب دیتی آئی ہے۔ گزشتہ روز بھی نواجوں نے بھارتی چیک پوسٹوں کو نشانہ بنایا۔

Comments

یہ بھی پڑھیں