site
stats
پاکستان

الیکشن میں ضابطہ اخلاق کی خلاف ورزی: عمران خان کے خلاف کارروائی روکنے کا حکم

اسلام آباد: وفاقی دارالحکومت اسلام آباد کی ہائیکورٹ نے الیکشن کمیشن کو عمران خان کی جانب سے ضمنی انتخابات میں ضابطہ اخلاق کی خلاف ورزی پر فائنل آرڈر جاری کرنے سے روک دیا۔

تفصیلات کے مطابق اسلام آباد ہائیکورٹ میں عمران خان کی درخواست پر سماعت جسٹس عامر فاروق نے کی۔ عدالت نے الیکشن کمیشن کے تین نوٹیفیکیشن وقتی طور پر معطل کر دیے۔

عمران خان کے وکیل بابر اعوان نے عدالت میں کہا کہ الیکشن کمیشن کا نوٹیفیکیشن غیر قانونی اور بدنیتی پر مبنی ہے۔ صرف اپوزیشن کو جلسے جلوسوں سے روکا جا رہا ہے۔

عدالت کے باہر میڈیا سے گفتگو کرتے ہوئے بابر اعوان نے بتایا کہ عدالت نے اٹارنی جنرل آف پاکستان کو طلب کرلیا ہے۔ الیکشن کمیشن کا آرڈر اپوزیشن کے خلاف جا رہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top