The news is by your side.

Advertisement

لاک ڈاؤن کی خلاف ورزی، لگژری گاڑی کا ڈرائیور بھارتی پولیس کے ہتھے چڑھ گیا

نئی دہلی: بھارت میں لاک ڈاؤن کی خلاف ورزی کرتے ہوئے لگژری گاڑی سڑکوں پر دوڑانے والا نوجوان پولیس کے ہتھے چڑھ گیا، شہری کی سڑک پر ہی سرزنش ہوگئی۔

غیرملکی خبررساں ادارے کی رپورٹ کے مطابق بھارتی پولیس لاک ڈاؤن کی خلاف ورزی کرنے والے شہریوں کو مختلف نوعیت کی سزائیں بھی دے رہی ہے، اسی ضمن میں پرتعیش گاڑی کے ڈرائیور کو اٹھک بیٹھک کرنا پڑگیا۔

رپورٹ میں کہا گیا ہے کہ یہ واقعہ بھارتی ریاست ادھیا پردیش میں پیش آیا جہاں ایک نوجوان ’پورچھے‘ نامی مہنگی ترین گاڑی میں سڑکوں پر گشت کررہا تھا اس دوران پولیس نے اسے گھیر لیا۔

بھارت: لاک ڈاؤن کی خلاف ورزی کرنے والے نوجوانوں کو کرونا مریض کے ساتھ بند کردیا

پولیس نے نوجوان کی خوب سرزنش کی اور سزا کے طور پر اٹھک بیٹھک کروایا۔

خیال رہے کہ گزشتہ دنوں بھارتی پولیس نے ناکے پر دو موٹرسائیکل میں سوار چار نوجوانوں کو لاک ڈاؤن کی خلاف ورزی کرتے ہوئے پکڑا تھا، بعد ازاں انہیں کرونا کے فرضی مریض کے ساتھ ایمبولیسن میں بند کردیا گیا تھا۔

اسی نوعیت کے دیگر کئی واقعات بھی بھارت بھر سے سامنے آئے ہیں۔

Comments

یہ بھی پڑھیں