The news is by your side.

Advertisement

کمسن ملازمہ پر تشدد: بااثر خاتون بھی گرفتار

فیصل آباد : پولیس نے کم عمر ملازمہ پر تشدد کرنے والی خاتون ثمینہ کو گرفتار کرکے ویمن تھانہ منتقل کردیا۔

تفصیلات کے مطابق پنجاب کے شہر فیصل آباد کی ایڈن ویلی کے رہائشی میاں بیوی نے کم عمر ملازمہ کو سرعام بہیمانہ تشدد کا نشانہ بنایا، جن کے خلاف مقدمہ درج کرکے پولیس نے ملزم کو گرفتار کرلیا تھا تاہم عدالت نے رانا منیر کو ضمانت پر رہا کردیا۔

پولیس نے گزشتہ روز ملزمہ کو گرفتار نہیں کیا تھا لیکن اب پولیس نے ایک بیان جاری کیا ہے، جس میں بتایا گیا ہے کہ کم عمر ملازمہ صدف پر تشدد میں ملوث خاتون کو ایڈن ویلی میں گھر سے گرفتار کرلیا گیا ہے۔

پولیس کا کہنا ہے کہ ثمینہ نامی ملزمہ کو گرفتاری کے بعد ویمن تھانہ منتقل کردیا گیا ہے، جسے آج علاقہ مجسٹریٹ کی عدالت میں پیش کیا جائے گا۔

پولیس نے جاری بیان میں کہا کہ عدالت سے ملزمہ کے جوڈیشل ریمانڈ کی استدعا کی جائے گی۔

گزشتہ روز میاں بیوی کے معاملے میں پولیس نے مکمل جانب داری کا ثبوت دیتے ہوئے متاثرہ ملازمہ صدف کو عدالت میں پیش کرنے کی بجائے اسے والدین کے حوالے کر دیا گیا، پولیس نے بہیمانہ تشدد کا شکار صدف کا میڈیکولیگل بھی نہیں کرایا، پولیس نے بچی کا بیان بھی ریکارڈ نہیں کرایا۔

واضح رہے کہ کم سن ملازمہ کو قواعد کے تحت مقدمے کے مدعی چائلڈ پروٹیکشن بیورو کی تحویل میں دیا جانا تھا۔ قانونی ماہرین کا کہنا ہے کہ متاثرہ بچی کا میڈیکولیگل کروایا جاتا تو ملزم کی ضمانت نہ ہوتی۔

Comments

یہ بھی پڑھیں