لاہور میں ٹریفک وارڈنز کی بد معاشی، شہریوں پر تشدد کے واقعات میں تسلسل -
The news is by your side.

Advertisement

لاہور میں ٹریفک وارڈنز کی بد معاشی، شہریوں پر تشدد کے واقعات میں تسلسل

لاہور: ٹریفک وارڈنز کی بد معاشی کا سلسلہ طول پکڑتا جا رہا ہے، شہریوں پر تشدد کے واقعات تسلسل کے ساتھ سامنے آنے لگے ہیں۔

تفصیلات کے مطابق لاہور میں شہریوں پر ٹریفک وارڈنز کی تشدد کا سلسلہ بدستور جاری ہے، فیروز پور روڈ پر بھی ٹریفک وارڈن کی جانب سے شہری پر تشدد کی فوٹیج منظر عام پر آ گئی۔

چالان کی وجہ پوچھنے پر افسران برہم ہو گئے

فیروز پور روڈ پر ٹریفک وارڈنز نے ایک شہری کو گھیر کر اس پر تھپڑوں کی بارش کر دی۔ ذرائع کے مطابق شہری نے چالان کی وجہ پوچھی تھی جس پر دونوں افسران برہم ہوگئے۔

چیف ٹریفک افسر لاہور لیاقت علی ملک نے واقعے کا نوٹس لے کر ایس پی صدر سردار آصف کو انکوائری کا حکم جاری کر دیا۔

واقعے میں ملوث ماتحت اہل کاروں کو قانون ہاتھ میں لینے پر معطل نہیں کیا گیا ہے۔ خیال رہے کہ اس سے قبل بھی ٹریفک وارڈنز کی جانب سے شہریوں پر تشدد کے واقعات سامنے آئے ہیں۔


یہ بھی پڑھیں:  ٹریفک وارڈنز پر صحافیوں سمیت شہریوں کی ویڈیوز اور تصاویر بنانے پر پابندی عائد


خیال رہے کہ دس دن قبل لاہور ہائی کورٹ نے وارڈنز کی جانب سے صحافیوں سے بد تمیزی اور ان کی ویڈیوز بنانے کا سخت نوٹس لیتے ہوئے صحافیوں سمیت دیگر شہریوں کی ویڈیوز اور تصاویر بنانے پر پابندی عائد کر دی ہے۔

Comments

comments

یہ بھی پڑھیں