The news is by your side.

Advertisement

خان پور: با اثر افراد کا زمین کے تنازعے پر بیوہ خواتین پر تشدد، گھر کو آگ لگا دی

خان پور: ضلع رحیم یار خان کی تحصیل خان پور میں با اثر افراد نے زمین کے تنازعے پر بیوہ خواتین پر تشدد کر کے گھر کو آگ لگا دی۔

اے آر وائی نیوز کے مطابق خان پور میں با اثر افراد نے مبینہ طور پر دو بیوہ خواتین پر تشدد کیا، جس کے باعث ایک خاتون کے کپڑے پھٹ گئے اور وہ نیم برہنہ ہو گئی۔

با اثر افراد کے تشدد سے بیوہ خاتون کا ایک بازو  ٹوٹ گیا، انھوں نے گھر کو آگ بھی لگا دی۔

یہ واقعہ تھانہ صدر کی حدود موضع پیر بخش کورائی بستی جمعہ میں پیش آیا، جہاں با اثر افراد موج علی، اجمل، وقاص وغیرہ نے بیوہ خواتین نسرین بی بی اور صغراں بی بی کے گھر پر حملہ کیا اور انھیں بری طرح تشدد کا نشانہ بنایا۔

با اثر افراد کی بیوہ خواتین پر تشدد کی سی سی ٹی وی فوٹیج بھی اے آر وائی نیوز کو موصول ہو گئی ہے، متاثرہ بیوہ نسرین بی بی نے کہا کہ 15 پر کال کرنے کے با وجود پولیس مدد کے لیے نہیں آئی، تھانے اطلاع دینے بھائی گیا تو پولیس نے اسے گرفتار کر لیا۔

یہ بھی پڑھیں:  وزیراعظم عمران خان نے سندھ سے 2 ہندو لڑکیوں کے اغوا کا نوٹس لے لیا

سی سی ٹی وی فوٹیج میں واضح طور پر ملزمان کو تشدد کرتے اور گھر کو آگ لگاتے دیکھا جا سکتا ہے۔

دونوں بیوہ خواتین جو کہ آپس میں ماں بیٹی ہیں، کا کہنا تھا کہ ہم نے واقعے کی اطلاع تھانہ صدر پولیس کو دی مگر ان کی جانب سے روایتی سستی اور غفلت کا مظاہرہ کیا گیا اور ان کے میڈیکل تک نہیں بنوائے گئے۔

بعد ازاں ڈی پی او رحیم یار خان عمر فاروق سلامت نے واقعے کا نوٹس لیتے ہوئے تھانہ صدر پولیس کو فوری مقدمہ کے درج کرنے اور ملزمان کی گرفتاری کے احکامات جاری کر دیے ہیں۔

Comments

comments

یہ بھی پڑھیں