site
stats
پاکستان

ایک اورسابق لیگی ایم پی اے کے گھر کمسن ملازمہ پر تشدد، بچی بازیاب

راولپنڈی : اے آر وائی نیوز کے پروگرام سرعام کی ٹیم نے ایک سابق رکن پنجاب اسمبلی کے گھر پر تشدد کا نشانہ بننے والی بچی کو راولپنڈی سے بازیاب کرالیا۔

تفصیلات کے مطابق ایم پی اے کی بیٹی کے مبینہ تشدد سے ملازم کی ہلاکت کا معاملہ ابھی حل ہوا نہیں کہ ایک اور سابق لیگی ایم این اے رشید اکبر نوانی اورسابق ایم پی اے سعید اکبر نوانی کے گھر میں ملازمہ پر تشدد کی کہانی سامنے آگئی۔

سر عام کی ٹیم نے ایک کارروائی کے دوران مذکورہ بچی کو بازیاب کرایا، بچی کے ہاتھوں پیروں پر تشدد کے نشانات واضح ہیں، آمنہ کو لوہے کی دہکتی سلاخوں سے جلایا گیا تھا بارہ سالہ آمنہ کو ڈرایا دھمکایا اور مارا پیٹا گیا۔ آمنہ سر سے پیر تک زخموں سے چور ہے۔

بچی پر بہیمانہ تشدد کرنے والی سابق لیگی ایم پی اے سعید اکبر نِوانی کی بھابھی بتائی جارہی ہیں، سرعام کی ٹیم نے بچی کو اس جہنم سے آزاد کروا کر بچی کو چائلڈ پروٹیکشن بیورو کےحوالے کردیا۔

اس حوالے سے چائلڈ پروٹیکشن بیورو کی سربراہ صبا صادق نے اے آر وائی نیوز سے گفتگو کرتے ہوئے کہا کہ معصوم بچوں پر تشدد ایم پی اے کے گھر میں ہو یا کسی عام آدمی کے گھر میں قانون سب کیلئے برابر ہے، سماجی حلقوں کا کہناہے کہ قانون پر عمل ہونا چاہئے اور سب کے سامنے سرعام ہونا چاہیئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top