The news is by your side.

Advertisement

کراچی : نوجوان پر تشدد کرنے والا پولیس اہلکار گرفتار، ناجائز اسلحہ سمیت دو مقدمات درج

کراچی : نوجوان پر تشدد اور فائرنگ کے الزام میں پولیس اہلکار کو گرفتار کرکے اس کیخلاف دو مقدمات درج کرلیے گئے، تشدد کرنے والا پولیس اہلکار سیکیورٹی زون ٹو میں تعینات ہے۔

تفصیلات کے مطابق کراچی میں پولیس اہلکار کا نوجوان پر تشدد اور فائرنگ کا واقعہ پیش آیا ہے، تشدد اور فائرنگ کا واقعہ گزشتہ رات پنجاب کالونی میں پیش آیا۔

پولیس اہلکار فہد نے جنید نامی نوجوان پر تشدد کیا اور پھر فائرنگ کی، اہلکار نے جس ہتھیار سے نوجوان پرفائرنگ کی وہ غیرقانونی تھا، تشدد اور فائرنگ کے واقعے کی فوٹیج اے آر وائی نیوز نے حاصل کرلی۔

فوٹیج میں اہلکار کو نوجوان پرتشدد کرتے ہوئے دیکھا جاسکتا ہے، اطلاع ملنے پر پولیس اہلکار کو واقعے کے بعد حراست میں لے لیا گیا۔

تشدد کرنے والا پولیس اہلکار سیکیورٹی زون ٹو میں تعینات ہے، گرفتار اہلکار فہد کے خلاف دو مقدمات درج کرلئے گئے ہیں۔

مزید پڑھیں: کراچی میں مبینہ پولیس تشدد سے شہری جاں بحق

یاد رہے کہ چند ماہ قبل کراچی کے علاقے میٹروول سائٹ کے علاقے باوانی چالی میں پولیس کے مبینہ تشدد سے شہری جاں بحق ہوگیا تھا۔

پولیس حکام کے مطابق مرنے والا شخص منشیات فروش تھا اور اس کی موت دل کا دورہ پڑنے سے ہوئی جس کی ڈاکٹر نے تصدیق کی ہے۔

ایس ایس پی ویسٹ نے کہا کہ مرنے والے فضل کریم کے خلاف سائٹ اے اور مومن آباد سمیت دیگر تھانوں میں متعدد مقدمات درج ہیں جو منشیات فروش ہے اور دل کا دورہ پرنے سے جاں بحق ہوا۔

Comments

comments

یہ بھی پڑھیں