بھارت کے ایک نجی نیوز چینل پر بریکنگ نیوز کے دوران نعت رسول ﷺ چل گئی اور پاکستان کا جھنڈا بھی نمودار ہوگیا۔
سوشل میڈیا پر ایک ویڈیو تیزی سے مقبول ہو رہی ہے جس میں دیکھا جا سکتا ہے کہ بھارتی نیوز چینل پر نیوز کاسٹر کی جانب سے بریکنگ نیوز دی جا رہی تھی کہ اچانک اسکرین پر پاکستان کا جھنڈا نظر آیا اور پھر ’نعتِ رسول ﷺ‘ چلنے لگی۔
پاکستان کا جھنڈا آتے ہی نیچے بریکنگ نیوز پر لکھا آیا کہ ‘حضرت محمد مصطفیٰ ﷺ کی عزت کیجیے’۔
ساتھ ہی نیچے درج تھا کہ ‘اس چینل کو ٹیم ریوولوشن پی کے کی ٹیم کی جانب سے ہیک کیا گیا ہے’۔
🇮🇳 Indian NEWS Channel which is going live was HACKED by 🇵🇰 Pakistani Hacker Group "Team Revolution PK" and they started a ticker "Respect HOLY PROPHET MUHAMMAD S.A.W.W".#BajwaTraitor pic.twitter.com/Do8ByK4JA9
— The Axis Pakistan (@abdulqa23811767) June 10, 2022
پاکستان میں بھی اس وقت ٹوئٹر پر ’ٹیم ریوولوشن پی کے’ ٹاپ ٹرینڈ میں بھی شامل ہے، سوشل میڈیا پر دعویٰ کیا جارہا ہے کہ بھارتی نیوز چینل کو پاکستانی ہیکرز نے ہیک کیا اور نعت رسول ﷺ بھی چلائی۔
خیال رہے کہ کچھ روز قبل بھارت کی حکمران جماعت بی جے پی کی مرکزی ترجمان نوپور شرما نے ایک ٹی وی چینل پر اسلام اور پیغمبرِ اسلام حضرت محمدﷺ کی شان اقدس میں گستاخانہ گفتگو کی تھی۔
Team Revolution PK deserve appreciation and respect!
Pakistan is not coming slow bro😂🤙🏻 #OurProphetOurHonour #BreakingNews #ورفعنا_لك_ذكرك pic.twitter.com/gE4RYtPeT5— Roma Khawaja (@roma_khawaja) June 11, 2022
بعد ازاں نوپور شرما کو 5 جون کو توہین آمیز ریمارکس پر بی جے پی نے معطل کر دیا تھا جبکہ گزشتہ روز بھارت میں نماز جمعہ کے بعد مسلمانوں کی جانب سے گستاخانہ بیان کیخلاف ریلی نکالی گئی تھی۔
