بھارت میں مضحکہ خیز واقعات کی خبریں اکثر سوشل میڈیا کی زینت بن جاتی ہیں جسے دیکھ کر لوگ دنگ رہ جاتے ہیں۔
ایسا ہی ایک واقعہ بھارتی ریاست مہاراشٹرا میں پیش آیا جہاں اہلیہ کے ناراض ہوکر میکے جانے پر شہری موبائل فون کے ٹاور پر چڑھ گیا۔
تصویر میں دیکھا جاسکتا ہے کہ مبینہ طور پر نشے میں دھت شخص جالنا ضلع میں 100 فٹ کے موبائل فون ٹاور پر بیٹھا ہے۔
پولیس اہلکار کا کہنا ہے کہ گنپت بکل کی اہلیہ ناراض ہوکر میکے چلی گئی جس کے واپس نہ آنے پر وہ احتجاجاً موبائل ٹاور پر چڑھا ہے۔
जालना: माहेरी गेलेल्या बायकोला परत आणण्याच्या मागणीसाठी दारूच्या नशेत तरूणाचा ४ तास मोबाईल टॉवरवर ठिय्या.https://t.co/CbvSFUjpi9 pic.twitter.com/tNvzgVZUC7
— Lokmat (@lokmat) July 21, 2022
مذکورہ شخص پولیس اہلکاروں اور علاقہ مکینوں کی اس یقین دہانی کے بعد ہی نیچے اترا جب اس سے کہا گیا کہ وہ گھریلو تنازعے کو حل کرنے کی کوشش کریں گے۔
رپورٹ کے مطابق گنپت بکل نشے میں دھت تھا اور چار گھنٹے بعد سے نیچے آیا جس کے بعد اسے پولیس نے کچھ دیر حراست میں رکھ کر چھوڑ دیا۔
عینی شاہدین نے بتایا کہ اس منظر نے انہیں 1970 کی دہائی کی بلاک بسٹر فلم ‘شعلے’ میں دھرمیندر کے کردار کی یاد دلا دی۔
