(31 مئی 2026): بندر نے عدالت کے احاطے میں وکیل سے دو لاکھ روپے سے بھرا بیگ چھین لیا جس کے بعد افراتفری مچ گئی۔
انڈین میڈیا رپورٹس کے مطابق یہ واقعہ بھارتی ریاست اتر پردیش کے شہر بلند میں کچہری روڈ پر واقع عدالت کے احاطے میں پیش آیا۔
رویندر نامی وکیل دو لاکھ روپے سے بھرا بیگ لے کر جائیداد کی رجسٹریشن مکمل کرنے اور اسٹامپ پیپرز خریدنے کیلیے عدالت پہنچے تھے، جب وہ اپنے ساتھی کے ساتھ ایڈووکیٹ چیمبرز کے باہر کھڑے تھے تو حالات نے اچانک ایک غیر متوقع موڑ لے لیا۔
#UttarPradesh: Monkey snatches bag full of currency notes, people shocked when notes fall from tree
This shocking incident occurred in #Bulandshahr district of Uttar Pradesh, where a man arrived at the court chambers of advocates Sohanpal and Aamir with two lakh rupees in a bag… pic.twitter.com/P0BsGRAksi
— Siraj Noorani (@sirajnoorani) May 31, 2026
ایک بندر نے اچانک ان سے نوٹوں سے بھرا بیگ چھینا اور عدالت کے احاطے میں موجود درخت پر چڑھ گیا۔ صرف یہی نہیں بلکہ شریر بندر نے بیگ کو پھاڑ دیا اور نیچے کرنسی نوٹ پھینکنے لگا۔
آس پاس جمع لوگ اس پورے واقعے کو دیکھ کر حیران رہ گئے اور انہوں نے درخت سے نیچے گرنے والے نوٹ جمع کرنا شروع کر دیے۔
پولیس بھی موقع پر پہنچ گئی اور وکیل کو پیسے واپس حاصل کرنے میں مدد کی۔ رقم کا زیادہ تر حصہ وکیل کو واپس مل گیا، تاہم اس میں سے 2000 سے 5000 روپے غائب تھے۔
واقعے کی ویڈیو سوشل میڈیا پلیٹ فارمز پر وائرل ہوگئی ہے اور کئی صارفین اسے شیئر کر رہے ہیں۔ بہت سے صارفین نے اس انوکھے واقعے پر ہنسی اور تفریح کا اظہار کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں