اتوار, مارچ 16, 2025
اشتہار

آن لائن ٹیکسی ڈرائیور کو ویڈیو دیکھنا مہنگا پڑ گیا

اشتہار

حیرت انگیز

آن لائن ٹیکسی ڈرائیور کی ممبئی کی مصروف شاہراہ پر آملیٹ بنانے کی ترکیب اور بگ باس یوٹیوب شارٹس دیکھنے کی ویڈیو سوشل میڈیا پر وائرل ہوگئی۔

مسافر روہن کھلے نے سماجی رابطے کی ویب سائٹ ایکس پر کلپ شیئر کیا جس میں ڈرائیونگ کے دوران خطرات کو اجاگر کیا گیا ہے۔

روہن نے پچھلی نشست پر بیٹھ کر واقعے کو ریکارڈ کیا، مسافر نے ڈرائیور پر جان خطرے میں ڈالنے کا الزام عائد کیا ہے۔

مسافر نے ویڈیو شیئر کرتے ہوئے لکھا کہ ’اولا، آپ کا ڈرائیور ہماری جان کو خطرے میں ڈال کر گاڑی چلاتے ہوئے آملیٹ بنانا سیکھ رہا ہے، مجھے یقین ہے کہ آپ اصلاحی اقدامات کریں گے، اسسے پہلے کہ یہ بھی موٹر سائیکل کی طرح یہ بھی جلد آگ لگنے کے سبب راکھ میں بدل جائے۔

ویڈیو میں دیکھا جاسکتا ہے کہ ڈرائیور کا فون اسٹیئرنگ وہیل کے قریب نصب ہے جس میں آملیٹ بنانے کی ترکیب چل رہی ہے، جیسے ہی کار مصروف سڑکوں سے گزرتی ہے ڈرائیور کو ایک ہاتھ سے ٹی وی شو بگ باس کا کلپ دیکھنے کے لیے سوائپ کرتے دیکھا گیا۔

ممبئی پولیس نے اس پوسٹ پر ردعمل دیتے ہوئے لکھا کہ مہاراشٹر ٹریفک پولیس کو مطلع کرنے کے لیے براہ کرم درست مقام کا اشتراک کریں۔

 پولیس نے لکھا کہ ’ہم درخواست کرتے ہیں کہ اگر آپ کا فراہم کردہ پتہ کافی نہیں ہے تو ہمیں پورا پتہ بھیجیں۔

اولا سپورٹ نے بھی واقعے کا نوٹس لیا ہے اور اس معاملے کی تحقیقات کے لیے سواری کا سی آر این (کسٹإر ریفرنس نمبر) طلب کیا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں