عالمی وبا کرونا سے بچاؤ کے لئے دنیا بھر میں ویکسی نیشن کا عمل جاری ہے، تاہم کچھ لوگ اب بھی سوئی فوبیا سے ڈرے ہوئے ہیں اور انجیکشن لگوانے سے انتہائی خوف زدہ ہے۔
ایسی ہی ایک مزاحیہ ویڈیو سوشل میڈیا پر تیزی سے وائرل ہورہی ہے، جس میں سوئی فوبیا سے خوف زدہ شخص کرونا ویکسین نہ لگوانے کے لئے طرح طرح کے جتن کرتا نظر آرہا ہے جبکہ اس کے دوست اسے ویکسین لگوانے کے لئے قائل کرنے کی کوشش کررہے ہیں۔
ایک منٹ بیس سیکنڈ پر مشتمل ویڈیو کلپ میں دیکھا جاسکتا ہے کہ خوفزدہ نوجوان کو اس کے دوست تلقین کررہے ہیں کہ ویکسین لگوالو، تاہم وہ ان سے مزاحمت کرتا ہوئے کہتا ہے کہ مجھے گولی ماردو، مگر ویکسین نہیں لگواؤں گا، تمام کوششیں رائیگاں جانے کے بعد دوستوں کے ٹولے نے مذکورہ شخص کو زبردستی دبوچ لیا اور عملے کو درخواست کی کہ اسے ویکسین لگائی جائے۔
ویکسین کا نام سنتے ہی وہ نوجوان مزاحمت شروع کردیتا ہے اسی اثنا میں اس کے دوست اسے زمین پر لٹاکر قابو میں لاتے ہوئے عملے کو کہتے ہیں کہ اب اسے ویکسین لگائیں۔
مذکورہ واقعہ بھارتی ریاست مدھیہ پردیش کے بنڈل کھنڈ کے ویکسی نیشن سینٹر کا ہے، سوشل میڈیا پر ویڈیو وائرل ہونے کے بعد صارفین کی جانب سے دلچسپ تبصروں کا سلسلہ جاری ہے، کسے نے اسے مضحکہ خیز قرار دیا جبکہ کئی صارفین نے دوستوں کی جانب سے اس کاوش کو سراہا، ایک صارف نے لکھا کہ اسے دوستی کہتے ہیں جو کم ہی دیکھنے کو ملتی ہے۔
#वेक्सीन लगाना/लगवाना कितना मुश्किल काम है!
😂😂#बुंदेलखंड #Bundelkhand #MadhyaPradesh #Sagar #COVID19 #कोरोनावायरस #वैक्सीनेशन #Vaccination #VaccinationUpdate #Video
Rcvd on WA pic.twitter.com/W7FHZMPgJg
— anil dubey (@anilscribe) September 21, 2021
