بھارت میں دو خاندانوں کے جھگڑے کے دوران کار سوار سے گاڑی سیکیورٹی گارڈ پر چڑھا دی جس کی سی سی ٹی وی فوٹیج سامنے آگئی۔
بھارتی میڈیا رپورٹس کے مطابق ریاست اترپردیش کے ضلع غازی آباد میں اوڈی کے ڈرائیور نے 23 سالہ سیکیورٹی گارڈ کو زخمی کریا، افسوسناک حادثہ سیکٹر 10 وسندھرا میں پیش آیا جس کی ویڈیو سوشل میڈیا پر وائرل ہورہی ہیں۔
پولیس کے مطابق کوساگرا ساگر بہن اندو کو سسرال چھوڑنے گیا تھا وہاں اندو ساگر کے سسرال والوں اور شوہر نے جہیز کے تنازع پر اسے تشدد کا نشانہ بنایا۔
اے سی پی سواتنترا سنگھ کا بتانا ہے کہ کوساگرا کی گاڑی بظاہر اندو کے سسرال والوں نے نقصان پہنچایا جب ساگر نے گاڑی وہاں سے بھگانا چاہی تو سیکیورٹی گارڈ کے ساتھ حادثہ پیش آیا۔
دوسری ویڈیو میں کار ڈرائیور کو ہجوم سے بچنے کے لیے گاڑی بھگاتے ہوئے دیکھا جاسکتا ہے۔
Video 2
हमले से बचकर भाग रहे ऑडी सवार युवकों ने बैरियर तोड़ा, सिक्योरिटी गार्ड को कुचला। pic.twitter.com/8QnrwdgcOp— Sachin Gupta (@sachingupta787) January 10, 2023
رپورٹ کے مطابق زخمی گارڈ کی شناخت ستیام جھا کے نام سے ہوئی جسے طبی امداد کے لیے اسپتال منتقل کیا گیا جہاں اس کے ہاتھ اور پیروں پر چوٹیں آئی ہیں۔
پولیس کا کہنا ہے کہ گاڑی کو تحویل میں لے لیا گیا ہے جبکہ جھگڑے کی دو مختلف ایف آئی آر درج کی گئی ہے ایک مقدمہ اندو کے سسرال والوں نے ساگر کے خلاف درج کروایا ہے، واقعے کی مزید تحقیقات جاری ہیں۔
