آسٹریلیا (7 جنوری 2026): دنیا کی مشہور کرکٹ لیگز میں سے ایک بگ بیش لیگ (بی بی ایل) میں تماشائی نے دوڑ کر حیرت انگیز کیچ پکڑا۔
آسٹریلیا میں جاری دنیا کی مشہور کرکٹ لیگز میں سے ایک بگ بیش لیگ میں جہاں کرکٹر کارہائے نمایاں انجام دے رہے ہیں۔ جہاں بیٹرز چوکے چھکے لگا اور بولرز وکٹیں اڑا کر کر شائقین کو محظوظ کر رہے ہیں۔
وہیں سڈنی اور ایڈیلیڈ میں تماشائی نے ایسا حیرت انگیز کیچ لیا کہ شائقین کے ساتھ میدان میں موجود کرکٹرز اور دنیا بھر میں ٹی وی پر یہ میچ دیکھنے والے ناظرین بھی دنگ رہ گئے۔
میچ کے دوران سڈنی کے بلے باز نے لمبا چھکا لگایا، گیند اڑتی ہوئی ایک اسٹینڈ کی طرف گئی۔
قبل اس کے کہ گیند زمین پر گرتی، ایک تماشائی تیزی سے دوڑتا آیا اور ایک ہاتھ سے کیچ تھام کر سب کو حیران کر دیا۔
اس لاجواب کیچ کی سب سے دلچسپ بات یہ تھی کہ کیچ لینے والے تماشائی نے دوسرے ہاتھ میں مشروب کے دو کین تھام رکھے تھے، لیکن نوجوان سے نہ مشروب گرنے دیا اور نہ ہی گیند کو زمین پر لگنے دیا۔
Catch of the season!
And it's come from the crowd #BBL15 pic.twitter.com/36TvnIOjoQ
— KFC Big Bash League (@BBL) January 6, 2026
یہ حیرت انگیز کیچ موومنٹ آف دی میچ بن گیا اور سوشل میڈیا پر وائرل ہونے کے بعد صارفین تماشائی کی اس کوشش کو سراہ رہے ہیں۔
