اونٹ کو موٹر سائیکل پر لے جانے کی ویڈیو سوشل میڈیا پر وائرل ہوگئی۔
آپ نے اکثر موٹر سائیکل پر لوگوں کو کوئی سامان یا پھر جانوروں میں بکروں کو لے جاتے دیکھا ہوگا لیکن حیران کن طور پر سوشل میڈیا پر ویڈیو وائرل ہورہی ہے جس میں موٹر سائیکل پر سوار دو افراد کو اونٹ کو لے جاتے دیکھا جاسکتا ہے۔
ویڈیو میں دیکھا جاسکتا ہے کہ موٹر سائیکل پر خطرناک طریقے سے اونٹ کو بٹھایا گیا ہے اسے مضبوطی سے باندھا گیا اور جانور کے پاؤں مڑے ہوئے اور باندھے ہوئے ہیں۔
سوشل میڈیا پر صارفین کی جانب سے ویڈیو پر ملے جلے تبصرے کیے جارہے ہیں۔
کچھ صارفین نے اس عمل کی مذمت کی اور جانوروں کے حقوق کی تنظیموں سے مداخلت کی درخواست کی جبکہ دیگر نے اس واقعے کے ذمہ داروں کے خلاف سخت کارروائی کا مطالبہ کیا۔
یہ معلوم نہیں ہوسکا ہے وائرل ویڈیو کہاں کی ہے تاہم حال ہی وائرل ہونے پر اس نے لوگوں کی دلچسپی بڑھا دی ہے۔
کئی سوشل میڈیا صارفین کا یہ بھی خیال ہے کہ ہوسکتا ہے کہ یہ ویڈیو اے آئی کی مدد سے بنائی گئی ہو جبکہ کچھ کا کہنا ہے کہ ویڈیو اصلی لگ رہی ہے۔
