نئی دہلی: بھارت میں ہندو انتہا پسند خواتین بھی مسلمانوں کے خلاف اپنی نفرت کا کھلا اظہار کرنے لگی ہیں، سوشل میڈیا پر ایک ویڈیو وائرل ہوئی ہے جس میں ایک مسلمان کتب فروش پر ہندو خواتین کے تھپڑوں کی بارش دیکھی جا سکتی ہے۔
تفصیلات کے مطابق بھارتی ریاست مدھیہ پردیش میں ہندو انتہا پسند خواتین نے مسلم کتب فروش پر تھپڑوں کی بارش کر دی، گھر کا پتا پوچھنا جرم بن گیا، جس پر خواتین آپے سے باہر ہو گئیں۔
ویڈیو میں انتہا پسند خواتین کو مسلمان کتب فروش پر بے دردری کے ساتھ تشدد دیکھا جا سکتا ہے، انتہا پسند ہندوؤں نے مسلمانوں پر تشدد کرنے کے لیے ایک نیا بہانہ بھی ایجاد کر لیا۔
A Muslim book seller is being brutally beaten up by Hindu supremacist women in a book fair in MP, India. They accuse him of asking a customer home address for the the home delivery of books. They invent absurd reasons to beat up & humiliate a Muslim! pic.twitter.com/LC8oiLQcJQ
— Ashok Swain (@ashoswai) September 5, 2023
انتہا پسند خواتین کے جتھے نے صرف اس لیے ملسم کتب فروش کی پٹائی کر ڈالی کہ وہ کتابوں کی ہوم ڈیلیوری کے لیے گاہکوں سے گھر کا پتا پوچھتا ہے۔
اس پوری صورت حال میں لڑکوں کا ایک گروہ بھی لڑکے کو پٹتا دیکھتا رہا، اس واقعے کی ویڈیو سوشل میڈیا پر وائرل ہو گئی ہے، اور اس کی مذمت کی جا رہی ہے، بھارتی دانشور اشوک سوین نے بھی یہ ویڈیو ایکس پر شیئر کرتے ہوئے کہا کہ ہندو انتہا پسند مسلمانوں کی تذلیل کے لیے مضحکہ خیز بہانے ڈھونڈتے ہیں۔
