سوشل میڈیا پر آئے روز نت نئی تصاویر اور ویڈیو وائرل ہوتی ہیں جسے دیکھ کر صارفین کی جانب سے ردعمل بھی دیا جاتا ہے۔
بھارت میں مزدور کی موٹر سائیکل سر سے اٹھا کر بس کے اوپر چڑھانے کی ویڈیو وائرل ہوگئی، ویڈیو نے سوشل میڈیا صارفین کی رائے کو تقسیم کردیا۔
مذکورہ ویڈیو ڈاکٹر اجیتا نامی صارف نے شیئر کی، نو سیکنڈ کی ویڈیو میں دیکھا جاسکتا ہے کہ مزدور ہیوی بائیک کو سر سے اٹھا کر بس کے اوپر چڑھا رہا ہے۔
ایک صارف نے اپنے اسکول کے دنوں کو یاد رکھتے ہوئے لکھا کہ ’میں نے اپنے اسکول کے دنوں میں اس طرح سائیکل اٹھا پر بس کے اوپر رکھی تھی لیکن اس طرح بائیک اٹھا کر بس کے اوپر رکھنا حیران کن ہے۔
زیادہ تر صارفین نے مزدور سے موٹر سائیکل اٹھوا کر بس پر رکھنے والے شخص کو تنقید کا نشانہ بنایا۔
India is absolutely incredible…so much strength in such a small frame! pic.twitter.com/zm4R5cjT4w
— Dr. Ajayita (@DoctorAjayita) January 22, 2021
ایک صارف نے لکھا کہ یہ مایوسی اور غربت کی علامت ہے، حتیٰ کہ کچھ لوگ ایسی ویڈیو کی تعریف کررہے ہیں۔
ایک اور صارف نے لکھا کہ کھالی پیٹ اکثر یہی کارنامے کرواتی ہے، غربت کی وجہ سے ایسی تکلیف دہ ملازمتیں زندہ رہنے کا واحد راستہ ہیں۔
صارفین کا کہنا تھا کہ موٹر سائیکل مزدور سے گر بھی سکتی تھی اور اس عمل سے اس کو نقصان پہنچنے کا اندیشہ تھا۔
سوشل میڈیا صارفین کا کہنا تھا کہ کیا لیبر قوانین ملازمین کے ساتھ اس طرح کا سلوک کرنے کی اجازت دیتے ہیں، اس شخص کے خلاف قانونی چارہ جوئی کی جانی چاہے، یہ ناقابل قبول ہے۔
