لندن : برطانوی شہری ٹیلر فلپس نے چند سیکنڈ میں اچھلنے والی اسٹک کی مدد سے پانچ گاڑیوں کے اوپر سے چھلانگ لگانے کا عالمی ریکارڈ قائم کرلیا۔
دنیا میں ایسے لوگ کثرت سے ہائے جاتے ہیں جو اپنے کارناموں سے نہ صرف دنیا کو حیران کردیتے ہیں بلکہ عالمی ریکارڈ بھی قائم کرتے ہیں۔
غیر ملکی خبر رساں ادارے کی رپورٹ کے مطابق برطانیہ سے تعلق رکھنے والے 21 سالہ ٹیلر فلپس نے پوگو اسٹیک کی مدد سے ایک کے بعد ایک گاڑی پھلانگ کر عالمی ریکارڈ اپنے نام کرکے دنیا کو حیرت میں مبتلا کردیا ہے۔
پوگو اسٹیک عموماً بچے استعمال کرتے ہیں اور کرتب دکھانے کے ماہر افراد اس اسٹیک کو ایکروبکٹس کےلیے استعمال کرتے ہیں۔
جن گاڑیوں کے اوپر سے فلپس سے چھلانگ لگائی ہے ان کی چوڑائی 1.6 میٹر جب کہ اونچائی 2 میٹر ہے۔
انسٹاگرام پر شیئر ہونے والی ویڈیو میں دیکھا جاسکتا ہے کہ ٹیلر فلپس نے 7 اعشاریہ 20 سیکنڈ میں پانچ گاڑیوں کے اوپر سے چھلانگ لگاکر منفرد ریکارڈ اپنے نام کیا ہے۔