نیوزی لینڈ میں خاتون رپورٹر پر اچانک پرندے نے حملہ کردیا جس کی ویڈیو سوشل میڈیا پر وائرل ہوگئی۔
نیوزی لینڈ میں نیوز رپورٹر کو آؤٹ ڈور شوٹنگ کے دوران ایک پرندے نے اچانک چہرے پر آن مارا، یہ لمحہ کیمرے میں ریکارڈ ہوگیا۔
32 سالہ جیسیکا ٹائسن آکلینڈ کے بریٹو مارٹ اسکوائر کے قریب شوٹنگ سیشن کررہی تھیں کہ اچانک پرندہ اڑتا ہوا آیا اور ان کے چہرے سے ٹکرا گیا۔
حادثے کے نتیجے میں خاتون کی آنکھ کے قریب چوٹ لگ گئی اور خون بہنے لگا۔
ٹائسن نے یہ ویڈیو سوشل میڈیا پر شیئر کرتے ہوئے لکھا کہ ’آپ بس اپنا کام کرنے کی کوشش کر رہے ہوں اور قدرت نے کچھ اور ہی پلان بنا رکھا ہو۔‘
انہوں نے مزاحیہ انداز میں کہا کہ لگتا ہے سیگل کو ایک نئی عینک کی ضرورت ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں