The news is by your side.

Advertisement

جنگ کے دوران یوکرینی شہری کا کارنامہ، ویڈیو وائرل

یوکرین میں ایک شخص نے جان کی پرواہ کیے بغیر بارودی سرنگ کو ہاتھوں سے اٹھا کر ٹھکانے لگا دیا۔

سوشل میڈیا پر وائرل ہونے والی ویڈیو میں دیکھا جا سکتا ہے کہ روس سے جنگ کے دوران ملکی افواج کو محفوظ راستہ فراہم کرنے کے لیے شہری نے بغیر کسی حفاظتی کٹ اور آلات کے بارودی سرنگ کو سڑک سے ہٹا دیا۔

سخت سردی میں سگریٹ پیتے شخص کو سڑک کنارے بارودی سرنگ نظر آئی تو اس نے بم ڈسپوذل اسکواڈ کو طلب کرنے یا کسی ادارے کو مطلع کر کے ان کی مدد لینے کا انتظار کرنے کی بجائے اپنی مدد آپ کے تحت بارودی سرنگ کو ہاتھوں سے اٹھایا اور محفوظ طور پر ٹھکانے لگا دیا۔

ویڈیو کے ساتھ عبارت میں جس مقام کا بتایا گیا ہے وہ جنوب مشرقی یوکرین کا بندرگاہی شہر بردانسک ہے جہاں ملکی افواج کی آمدورفت کو محفوظ بنانے کے لیے شہری نے جان داؤ پر لگا دی۔

38 سیکنڈ کے کلپ میں، سیاہ جیکٹ اور جینز میں ملبوس نامعلوم شخص سڑک کو صاف کرنے کے لیے بارودی سرنگ کو راستے سے ہٹا رہا ہے۔

Comments

یہ بھی پڑھیں