بھارت میں شادی کے کھانے میں رس گلے ختم ہونے پر دولہا اور دلہن کے اہلخانہ لڑ پڑے جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق ریاست بہار کے ضلع بودھگیا میں شادی تقریب میدان جنگ بن گئیں کیونکہ دولہا اور دلہن کے اہلخانہ کے درمیان رس گلوں کی کمی پر جھگڑا شروع ہوگیا۔
اطلاعات کے مطابق ابتدائی رسومات ادا کرنے کے بعد دلہا اور دلہن منڈپ کی طرف جا رہے تھے کہ اسی دوران رس گلے ختم ہونے پر تنازع کھڑا ہو گیا۔
ہوٹل میں نصب سی سی ٹی وی کیمرے میں ویڈیو ریکارڈ ہوگئی جسے دیکھ کر لوگوں کی حیرانی کی انتہا نہ رہی۔
A chaotic scene unfolded in a wedding in #Bihar's #BodhGaya after the bride and the groom's families exchanged blows over a shortage of rasgulla.
The incident was caught on CCTV installed inside the hotel where the wedding was taking place, and the video surfaced online.… pic.twitter.com/As6vU9WXSZ
— Hate Detector (@HateDetectors) December 4, 2025
ویڈیو میں دونوں خاندانوں کو ایک دوسرے پر کرسیاں پھینکتے، گھونسے مارتے اور دھکے دیتے دیکھا جاسکتا ہے، یہ واقعہ 29 نومبر کو اس ہوٹل میں پیش آیا جہاں دلہن کا خاندان بھی مقیم تھا۔
جھگڑے کے بعد دلہن کے اہلِ خانہ نے دلہا کے خاندان کے خلاف جہیز کا مقدمہ درج کروا دیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں