برطانیہ میں خاتون ڈرائیور نے مسافر کے ٹپ نہ دینے پر گاڑی کا دروازہ کھولنے سے انکار کردیا جس کی ویڈیو سوشل میڈیا پر وائرل ہوگئی۔
سوشل میڈیا پر اکثر عجیب و غریب ویڈیوز وائرل ہوتی رہتی ہیں ایک حالیہ ویڈیو سوشل میڈیا پر گردش کر رہی ہے جس میں خاتون ٹیکسی ڈرائیور مسافر کو اپنی کار سے اترنے نہیں دے رہی ہے جس کی وجہ یہ ہے کہ اس نے ٹپ دینے سے انکار کر دیا۔
یہ ویڈیو برطانیہ کی بتائی جاتی ہے اور خاتون بھارتی نژاد بتائی جاتی ہے۔ تاہم اس دعوے کے حوالے سے کوئی ٹھوس معلومات نہیں ہیں۔
ایکس اکاؤنٹ شیئر کی گئی ویڈیو میں خاتون ٹیکسی ڈرائیور کار میں بیٹھی خاتون سے بحث کرتی نظر آرہی ہے جبکہ خاتون جس کار کو چلا رہی ہے وہ مرسڈیز ہے۔ ونڈشیلڈ پر بہت سا پانی ہے، یہ بتاتا ہے کہ بارش ہو رہی ہے۔ خاتون کا لہجہ بتاتا ہے کہ وہ بھارت یا بنگلہ دیش سے ہے کیونکہ اس کی انگریزی بولنے میں بنگالی لہجہ نمایاں ہے۔
A female Uber driver refused to open the car doors without getting a tip.
She locked the car doors and held the passengers hostage.
There’s no tipping culture in the UK, so the woman passenger was shocked.
Isn’t it wrong to lock someone like this? pic.twitter.com/sx8jfCfYDD
— ︎ ︎venom (@venom1s) January 20, 2026
خاتون نے مسافر سے کہا ٹپ دیں اور گاڑی سے اتر جائیں تاہم مسافر کا اصرار ہے کہ اس نے اپنی زندگی میں کبھی ٹپ نہیں دی اور وہ نہیں دے گی۔
ڈرائیور اصرار کرتی ہے کہ اس ملک میں ٹپس کا رواج ہے، مسافر کا کہنا ہے کہ وہ پولیس کو کال کرے گی۔ تاہم ڈرائیور کا اصرار ہے کہ اگر پولیس آتی ہے، تو وہ اسی کا ساتھ دے گی کیونکہ خاتون مسافر پیسے نہیں دے رہی ہے، دونوں کے درمیان بات چیت کے انداز سے تو یہ ایکٹنگ لگ رہی ہے، تاہم یقین کے ساتھ کچھ نہیں کہا جاسکتا۔
وائرل ویڈیو کو 2.4 ملین ویوز مل چکے ہیں اور بہت سے لوگوں نے تبصرے کیے ہیں۔ صارفین نے کہا کہ یہ ایک فرضی ویڈیو لگتا ہے، جب کہ دوسروں نے کہا کہ یہ اغوا کا معاملہ ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں