(11 مارچ 2026): ایک کمسن لڑکی نے اپنی جان کو خطرے میں ڈال کر بچوں کی زندگی بچا لی دل دہلا دینے والی ویڈیو تیزی سے وائرل ہو رہی ہے۔
سوشل میڈیا پر ایک سی سی ٹی وی ویڈیو تیزی سے وائرل ہو رہی ہے، جس میں ایک کمسن لڑکی کو لفٹ میں اپنی جان کی پروا نہ کیے بغیر دو بچوں کی زندگی بچانے کی کوشش کرتے دیکھا جا سکتا ہے، جس میں وہ بالآخر کامیاب ہو گئی۔
ویڈیو میں دیکھا جا سکتا ہے کہ لفٹ میں دو چھوٹے بچے موجود ہیں اور لفٹ کا دروازہ بند ہو رہا ہے، لیکن کمسن لڑکی اپنی جان کی پروا کیے بغیر دروازے کے درمیان کھڑی ہو کر دروازہ بند ہونے سے روکتی ہے اور اس دوران وہ اس میں خود پھنس جاتی ہے۔
تاہم لڑکی ہمت نہیں ہاتی اور اس مدد کے لیے پکار سن کر قریبی رہائشی دو خواتین وہاں پہنچتی ہیں تو تیزی سے بند ہونے والے لفٹ کے دروازے کو زور لگا کر اتنا کھول پاتی ہے کہ لڑکی با آسانی گزر جائے۔
لیکن ویڈیو میں یہ ناقابل یقین منظر پھر سامنے آتا ہے کہ وہ لڑکی خود باہر جانے کے بجائے تیزی سے لفٹ کے اندر آتی ہے اور اس میں موجود دو بچوں کو وہاں سے باہر نکالتی ہے، جس کے بعد باہر موجود خواتین اس لڑکی کو بھی تیزی سے باہر نکال لیتی ہیں۔
A small girl is seen at the entrance of a residential lift.
As the elevator doors began to close, she noticed
another child running toward the lift from the corridor.Without hesitation, the girl used her own body to partially block the doorway, preventing the heavy doors from… pic.twitter.com/llUbPdk5eN
— SUNIL KUMAR (@ijustsunil) February 21, 2026
ویڈیو میں اس کے اصل مقام کی تصدیق نہیں ہو سکی، لیکن سوشل میڈیا پر صارفین لڑکی کی ہمت اور جذبے کو سراہ رہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں