بھارت میں شوہر موٹر سائیکل پارک کرتا رہ گیا اور نئی نویلی دلہن مبینہ طور پر دوست کے ساتھ بھاگ گئی۔
بھارتی میڈیا رپورٹ کے مطابق ریاست مدھیہ پردیش کے شہر گوالیار میں یہ انوکھا واقعہ پیش آیا جہاں 21 سالہ نوجوان اپنی 18 سالہ اہلیہ کے ساتھ چڑیا گھر کی سیر کو پہنچا تھا۔
شوہر نے بیوی کو چڑیا گھر کے داخلی دروازے پر رکنے کا کہا اور خود موٹر سائیکل کھڑی کرنے چلا گیا لیکن جب وہ چند منٹ بعد واپس آیا تو اہلیہ وہاں سے غائب تھی۔
رپورٹس کے مطابق خاتون مبینہ طور پر ایک دوسرے شخص کے ساتھ موٹرسائیکل پر روانہ ہو گئی جبکہ واقعے کی سی سی ٹی وی فوٹیج بھی سامنے آگئی۔
#WATCH | 18-YO Newly Married Woman Flees With Lover After Husband Asks Her To Wait At Zoo Gate In Gwalior #MPnews #MadhyaPradesh https://t.co/hREbop3VaG
— Free Press Madhya Pradesh (@FreePressMP) October 7, 2026
شوہر نے پولیس کو شکایت درج کراتے ہوئے ارمان خان نامی شخص پر اپنی اہلیہ کو بہلا پھسلا کر لے جانے کا الزام عائد کیا ہے۔
پولیس کے مطابق خاتون کی تلاش جاری ہے اور اس کے ملنے کے بعد ہی واضح ہوگا کہ وہ اپنی مرضی سے گئی ہے یا نہیں۔


