ویرات کوہلی کا ہر ملک میں سنچری بنانے کا اعزاز:Virat kohli
The news is by your side.

Advertisement

ویرات کوہلی کا ہر ملک میں سنچری بنانے کا اعزاز

نئی دہلی: بھارت کی کرکٹ ٹیم کے کپتان ویرات کوہلی نے جنوبی افریقہ کی سرزمین پر سنچری اسکور کرنے کے بعد ایک روزہ میچز کا اہم ریکارڈ اپنے نام کرلیا جس کے بعد وہ ہر ملک میں سنچری اسکور کرنے والے بلے باز بن گئے۔

تفصیلات کے مطابق بالی ووڈ ادکارہ سے ویرات کی شادی خوش نصیبی ثابت ہوئی کیونکہ انہوں نے دنیائے کرکٹ کا وہ ریکارڈ اپنے نام کرلیا جو اب تک کسی بھارتی کھلاڑی کے پاس نہیں تھا۔

چھے(6) ایک روزہ میچوں کی سیریز کے پہلے میچ میں جنوبی افریقہ نے مقررہ 50 اوورز میں آٹھ وکٹوں کے نقصان پر 269 رنز بنائے تھے،  جواب میں انڈیا نے 270 رنز کا ہدف 46ویں اوور میں چار وکٹوں کے نقصان پر حاصل کرلیا تھا۔

ویرات کوہلی سب سے زیادہ ڈبل سنچریاں بنانےوالےکپتان بن گئے

ویرات کوہلی  اب تک کے کیریئرمیں  33 سنچریاں بنا چکے ہیں، انہوں نے بھارت میں 14، بنگلہ دیش میں 5، آسٹریلیا اور سری لنکا میں چار چار جبکہ ویسٹ انڈیز میں 2، انگلینڈ ، زمبابوے، جنوبی افریقہ اور نیوزی لینڈ میں ایک ایک سنچری اسکور کی۔

ٹیسٹ کرکٹ ٹیم کے کپتان اپنی شاندار بیٹنگ کے باعث دنیا بھر میں جانے جاتے ہیں، جو باآسانی ہدف کو بغیر کسی دباؤ میں آئے حاصل کرنے کی کوشش کرتے ہیں۔

شعیب اختر خطرناک ترین باؤلر تھے‘ ویرات کوہلی

یاد رہے گزشتہ سال 2017 میں دہلی کے فیروز شاہ کوٹلہ اسٹیڈیم میں سری لنکا کے خلاف تیسرے میچ میں کوہلی نے اپنی چٹھی ڈبل سنچری بناکر بطور کپتان سب سے زیادہ ڈبل سنچریاں بنانے کا ریکارڈ بھی اپنے نام کیا تھا۔

خیال رہے کہ بھارتی کپتان سے قبل برائن لارا کے پاس بطور کپتان سب سے زیادہ سنچریاں اسکور کرنے کا اعزاز تھا، انہوں نے 5 ڈبل سنچریاں اسکور کی تھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں