The news is by your side.

Advertisement

’ہماری تصویر کو کسی فلٹر کی ضرورت نہیں‘

بھارتی کرکٹ ٹیم کے کپتان ویرات کوہلی آج اپنی 33ویں سالگرہ منارہے ہیں، کوہلی کی اہلیہ اور اداکارہ انوشکا شرما نے انسٹاگرام پر پوسٹ شیئر کردی۔

بالی ووڈ اداکارہ اور ویرات کوہلی کی اہلیہ انوشکا شرما نے انسٹاگرام پر اپنی اور کوہلی کی ایک تصویر شیئر کی جس کے کیپشن میں انہوں نے لکھا کہ کوہلی ایک ایماندار انسان ہیں اور وہ یہ دنیا کو چیخ چیخ کر بتانا چاہتی ہیں۔

انوشکا شرما نے ویرات کے لیے ایک طویل پوسٹ شیئر کرتے ہوئے لکھا کہ یہ ان دونوں کا انداز نہیں ہے کہ وہ سوشل میڈیا کے ذریعے ایک دوسرے سے بات کریں لیکن وہ کبھی کبھی دنیا کو بتانا چاہتی ہیں کہ آپ کتنے اچھے انسان ہیں۔

اداکارہ نے لکھا کہ ہماری تصویر کے لیے کسی فلٹر کی ضرورت نہیں کیونکہ ہم ایسے ہی ہیں، آپ نے ہر جگہ اپنے آپ کو بہتر بنایا ہے۔

انوشکا شرما کا کہنا تھا کہ میں کسی کو نہیں جانتی جو آپ کی طرح اپنے آپ کو اندھیروں سے نکال کر روشنی میں لاسکے، جو آپ کی زندگی میں ہیں اور آپ کو جانتے ہیں وہ خوش قسمت ہیں۔

اداکارہ نے پوسٹ کے آخر میں ویرات کوہلی کو سالگرہ کی مبارک باد دی اور کہا کہ ان کی زندگی میں آنے کے لیے شکریہ۔

Comments

یہ بھی پڑھیں