The news is by your side.

Advertisement

ویرات کوہلی نے سچن ٹنڈولکر کا ریکارڈ توڑ دیا

اولڈ ٹریفورڈ: ورلڈ کپ 2019 میں پاکستان کے خلاف کھیلے جانے والے میچ میں ویرات کوہلی نے ون ڈے میں تیز ترین 11 ہزار رنز بنانے کا اعزاز حاصل کرلیا۔

تفصیلات کے مطابق ورلڈ کپ 2019 میں پاکستان کے خلاف کھیلے جانے والے میچ میں ویرات کوہلی نے تیز ترین 11 ہزار رنز مکمل کرکے سچن ٹنڈولکر کا ریکارڈ توڑ دیا۔

ویرات کوہلی نے 222 اننگز میں سنگ میل عبور کیا جبکہ سچن ٹنڈولکر نے 11 ہزار مکمل کرنے کے لیے 276 اننگز کھیلی تھیں۔

آسٹریلیا کے رکی پونٹنگ 286 اننگز میں 11 ہزار رنز مکمل کرکے تیسرے نمبر پر موجود ہیں۔

واضح رہے کہ پاکستان اور بھارت کے درمیان کھیلا جانے میچ میں ویرات کوہلی نے 77 رنز کی اننگز کھیلی انہیں محمد عامر نے آؤٹ کیا۔

یاد رہے کہ اس سے قبل بھارتی کرکٹ ٹیم کے کپتان ویرات کوہلی نے کم ترین اننگز میں 19 ہزار انٹرنیشنل رنز مکمل کرنے کا سچن ٹنڈولکر کا ریکارڈ توڑا تھا۔

ویرات کوہلی نے یہ اعزاز 399 اننگز کھیل کر حاصل کیا تھا، اس سے پہلے 432 اننگز کے ساتھ یہ ریکارڈ سچن ٹنڈولکر کے پاس تھا۔

کوہلی نے 19 ہزار انٹرنیشنل رنز کا ریکارڈ آسٹریلیا کے خلاف ٹیسٹ سیریز میں سڈنی کرکٹ گراؤنڈ میں مکمل کیا تھا۔

Comments

comments

یہ بھی پڑھیں