بھارتی ٹیم کے مایہ ناز بیٹر ویرات کوہلی کی بیٹنگ تکنیک پر تنقید کرنے پر مداحوں نے مقامی اخبار کی کاپیاں جلا ڈالیں۔
بھارتی میڈیا رپورٹس کے مطابق ویرات کوہلی کے مداحوں نے کوہلی کی بیٹنگ تکنیک پر تنقید کرنے پر مقامی ہندی اخبار ’دینک جاگرن‘ کی کاپیاں جلائیں اور اخبار کے بائیکاٹ کا اعلان کردیا۔
اخبار کے صحافی ابھیشک ترپاٹھی نے روزنامہ جاگرن میں اپنے آرٹیکل ’سنچری پر دو مختلف نظریے‘ میں کپتان روہت شرما کی تعریف کرتے ہوئے ویرات کوہلی پر تنقید کی تھی۔
One of most fake news paper #BoycottDainikjagranpic.twitter.com/BRKUKTWl7B
— Er. CHAUDHARY UTTAM CHAND (@UTTAMYKT) October 30, 2023
صحافی نے لکھا تھا کہ کوہلی نے رواں ورلڈ کپ میں سنچریاں مکمل کرنے پر توجہ دی جبکہ روہت شرما ٹیم کے لیے کھیلتے ہیں اور بڑے شاٹس کھیلنے جاتے ہیں۔
کوہلی پر تنقید کرنے پر سوشل میڈیا پر بائیکاٹ ‘دینک جاگرن’ کے ہیش ٹیگ سے ٹرینڈ چل رہا ہے۔ سوشل میڈیا پر کئی تصاویر، ویڈیو وائرل ہورہی ہیں جس میں کوہلی کے مداح اخبار کی کاپیاں جلا رہے ہیں۔
This is how Dainik Jagran should be treated for writing against India's pride Virat Kohli#BoycottDainikJagran pic.twitter.com/2F5Xkl9ZR8
— aks (@ReignOfVirat) October 30, 2023
واضح رہے کہ ورلڈ کپ میں بھارت نے 6 میچز کھیلے ہیں اور تمام میچز میں کامیابی حاصل کی ہے، بھارتی ٹیم پوائنٹس ٹیبل پر 12 پوائنٹس کے ساتھ سرفہرست ہے۔
