The news is by your side.

Advertisement

بھارتی کپتان ویرات کوہلی نے سچن ٹنڈولکر کا ریکارڈ توڑ دیا

نئی دہلی: بھارتی کپتان ویرات کوہلی ون ڈے میں تیز ترین دس ہزار رنز مکمل کرنے والے کھلاڑی بن گئے۔

تفصیلات کے مطابق بھارتی کپتان ویرات کوہلی نے ون ڈے میں تیز ترین دس ہزار رنز مکمل کرکے سچن ٹنڈولکر کا ریکارڈ توڑ دیا، کوہلی نے 205 اننگز میں کارنامہ انجام دیا جبکہ سچن نے 259 اننگز میں دس ہزار رنز مکمل کیے تھے۔

کوہلی نے ویسٹ انڈیز کے خلاف میچ میں 157 رنز کی اننگز کھیل کر یہ سنگ میل عبور کیا، تاہم بھارت میچ میں کامیابی حاصل نہ کرسکا، بھارت نے پہلے کھیلتے ہوئے 321 رنز بنائے جواب میں ویسٹ انڈیز نے بھی شائے ہوپ کی شاندار سنچری کی بدولت 321 رنز بنالیے اس طرح میچ برابری پر ختم ہوگیا۔

دس ہزار رنز بنانے والے کھلاڑیوں کی فہرست میں ویرات کوہلی 205 اننگز، سورو گنگولی 263 اننگز، رکی پونٹنگ 266 اننگز، جیک کیلس 272 اننگز، ایم ایس دھونی 273 اننگز اور انضمام الحق 12 ویں نمبر پر 299 اننگز کے ساتھ موجود ہیں۔

ویرات کوہلی اب تک 212 میچز میں بھارت کی نمائندگی کرچکے ہیں جس میں انہوں نے 58.69 کی اوسط سے 10 ہزار سے زائد رنز بنائے ہیں۔

ون ڈے کرکٹ میں سب سے زیادہ رنز بنانے کا اعزاز سچن ٹنڈولکر کے پاس ہے، سچن نے 463 ون ڈے انٹرنیشنل کی 452 اننگز میں 18426 رنز بنائے ہیں۔

اس ریکارڈ کے ساتھ ساتھ ویرات کوہلی تیسرے نمبر پر سب سے زیادہ سنچریاں اسکور کرنے والے کھلاڑی بھی بن گئے، کوہلی اب تک ون ڈے کرکٹ میں 37 سنچریاں اسکور کرچکے ہیں۔

Comments

comments

یہ بھی پڑھیں