The news is by your side.

ویرات کوہلی نے پاکستان ٹیم کی تعریف کیوں کی؟

شارجہ: بھارتی ٹیم کے سابق قائد ویرات کوہلی نے بابراعظم کی تعریفوں کے پُل باندھ دئیے۔

تفصیلات کے مطابق پاک بھارت ٹاکرے کے بعد پریس کانفرنس میں ویرات کوہلی نے پاکستانی قائد اور بیٹر بابر اعظم سمیت تمام پاکستانی کھلاڑیوں کی تعریف کی۔

کوہلی کا کہنا تھا کہ بابراعظم بہترین انسان ہے میری ہمیشہ ان سے اچھی بات چیت رہی ہے، وہ مجھ سے بہت جونیئر ہے لیکن وہ ہمیشہ عزت دیتے ہیں اور سیکھنے کی کوشش کرتے ہیں۔

یہ بھی پڑھیں: ویرات کوہلی نے دھونی سے متعلق کیا کہا؟

سابق بھارتی قائد نے بابراعظم کے بلے بازی کی تعریف کرتے ہوئے کہا کہ مجھے کرکٹ کے تینوں فارمیٹ میں کھیلتا دیکھ کر کوئی حیرت نہیں ہوتی، یقینی طور پر وہ ایک کامیاب کھلاڑی ہے اور اس سے جب بھی گفتگو ہوئی بہترین رہی۔

پریس کانفرنس میں ویرات کوہلی نے بابر الیون کے لئے فرینڈلی اور سویٹ کے الفاظ استعمال کرتے ہوئے کہا کہ ہمیں گزشتہ سال ہی یہ محسوس ہوا کہ پاکستان ٹیم ناصرف مقابلہ کرنے والی ٹیم ہے بلکہ عزت کرنے والی ٹیم بھی ہے۔

Comments

یہ بھی پڑھیں