The news is by your side.

کوہلی کے لئے کل کا دن خاص کیوں ہے؟

دبئی: طویل عرصے سے آؤٹ آف فارم بھارتی بلے باز کوہلی کل کے میچ میں تاریخ رقم کرنے جارہے ہیں۔

تفصیلات کے مطابق ایشیا کپ میں پاک بھارت ٹاکرا کل ہونے جارہا ہے، میچ دبئی انٹرنیشنل اسٹیڈیم میں کھیلا جائے گا۔

بھارتی ٹیم کے سابق قائد اور بیٹر ویرات کوہلی کے لئے کل کا میچ یادگار بننے جارہا ہے، اتوار کو کوہلی اپنے ٹی ٹوئنٹی میچوں کی سنچری مکمل کریں گے اسی کے ساتھ ہی وہ نیوزی لینڈ کے راس ٹیلر کے بعد تینوں فارمیٹ میں میچز کی سنچری مکمل کرنے والے دنیا کے دوسرے کھلاڑی بنیں گے۔

یہ بھی پڑھیں: ’چاہتا ہوں ویرات کوہلی سنچری کریں لیکن ہمارے خلاف نہیں

ویرات کوہلی اب تک ننانوے ٹی ٹوئنٹی میچز کھیل چکے ہیں۔ جس میں انہوں نے 50.12 کی اوسط سے 3,308 رنز بنائے ہیں۔

اس فارمیٹ میں بھارت کے لیے ان کا بہترین انفرادی اسکور 94 ناٹ آؤٹ ہے۔

کوہلی کی خراب کارکردگی کا اندازہ اس بات سے لگایا جاسکتا ہے کہ انہیں کرکٹ کی کسی بھی فارمیٹ میں سنچری بنائے میں ایک ہزار سے زیادہ دن ہوچکے ہیں۔

Comments

یہ بھی پڑھیں