The news is by your side.

Advertisement

وریندر سہواگ کا سرفراز اور پاکستانی ٹیم کے حق میں بیان

مبئی: بھارت کے سابق بلے باز وریندر سہواگ نے اپنی غلطی کو تسلیم کرتے ہوئے کپتان سرفراز احمد اور پاکستانی ٹیم کی تعریفوں کے پل باندھ دیے۔

سماجی رابطے کی ویب سائٹ پر وریندر سہواگ کو پاکستان مخالف دینا بیان مہنگا پڑ گیا، بھارتی بلے باز نے شاید یہ سوچ کر قومی شاہینوں کے خلاف بیان دیا کہ بھارت کے لوگ تعریف کریں گے مگر انہیں شدید ترین مخالفت کا سامنا ہوا۔

وریندر سہواگ کے بیان پر دنیا بھر میں کرکٹ کو پسند کرنے والے لوگوں نے انہیں شدید تنقید کا نشانہ بناتے ہوئے  انہیں مختلف القابات سے نوازا جس کے بعد سہواگ کو اپنا ٹوئٹ ڈیلیٹ کرنا پڑ گیا۔

اب جب پاکستان اور بھارت کے درمیان فائنل ہونے میں صرف ایک روز باقی ہے شاید سہواگ کو اپنی غلطی کا احساس ہوگیا اور انہوں نے پاکستانی ٹیم اور سرفراز کے حق میں بیان دے دیا۔

پڑھیں: پاکستانی کھلاڑی کسی بھی ٹیم کو شکست دینے کی صلاحیت رکھتے ہیں، کوہلی

سماجی رابطے کی ویب سائٹ پر انہوں نے کہا کہ ’’سرفراز کی انگلش پر تنقید کرنا پاگل پن ہے، اس میں کوئی شک نہیں کہ پاکستانی کپتان اور ٹیم نے بہترین کھیل کا مظاہرہ پیش کیا اور فائنل میں جگہ بنائی‘‘۔

انہوں نے مزید کہا کہ ’’انگریزی بولنا سرفراز کا کام نہیں، انہوں نے عمدہ کھیل پیش کر کے ٹورنامنٹ سے انگلش ٹیم کو ایونٹ سے باہر کیا جس کا شمار بہترین ٹیموں میں ہوتا تھا، ساتھ ہی انہوں نے ہندوستان زندہ باد کا نعرہ بھی لگایا‘‘۔

Print Friendly, PDF & Email

Comments

comments

یہ بھی پڑھیں