The news is by your side.

Advertisement

وژن 2030: سعودی حکومت کا حجاج کرام کو بڑی سہولت دینے کا اعلان

ریاض : سعودی حکام نے وژن 2030 کے تحت حجاج کرام کی سہولت کےلیے ‘حج اسمارٹ کارڈ’ متعارف کروا دیا۔

غیر ملکی خبر رساں ادارے کی رپورٹ کے مطابق سعودی وزارت حج و عمرہ کی جانب سے حج کی ادائیگی کے آنے والے عازمین کی آسانی کےلیے حج اسمارٹ کارڈ کی سروس متعارف کرائی گئی ہے جو نقل و حرکت اور مناسک حج کی ادائیگی میں حجاج کرام کی مدد کرے گی۔

سعودی حکومت نے ولی عہد محمد بن سلمان کے وژن 2030 کے تحت اس اسمارٹ کارڈ کو متعارف کرایا ہے، کارڈ عازمین حج کی مدد کیسے کرے گا؟

اس متعلق حج وعمرہ کی قومی کمیٹی کے رکن ھانی العمیری نے کہا کہ اسمارٹ کارڈ میں ایک” بار کوڈ ”شامل ہے جو حاجی کے تمام اعداد و شمار اور معلومات کو جاننے میں مدد دے گا۔

انہوں نے کہا کہ حجاج کرام کے ذاتی اعداد و شمار، رہائش اور صحت سے متعلق معلومات شامل ہیں۔

العمری کا کہنا تھا کہ رواں برس عازمین کی سہولت کےلیے حج کی ادائیگی کے دوران بڑی حد تک جدید آلات اور ٹیکنالوجی کا استعمال کیا گیا ہے۔

میڈیا رپورٹس کے مطابق سعودی حکومت کی جانب سے رواں برس 50 ہزار اسمارٹ کارڈ بطور تجربہ جاری کیے جائیں گے۔

Comments

یہ بھی پڑھیں