The news is by your side.

Advertisement

وائس ٹوئٹ فیچر: اینڈرائیڈ اور ایپل صارفین لڑ پڑے

سان فرانسسکو: ٹوئٹر کی جانب سے نئے متعارف کرائے جانے والے’وائس ٹوئٹ‘ فیچر نے اینڈرائیڈ اور آئی فون صارفین کے درمیان ایک لفظی جنگ چھیڑ دی ہے۔

غیرملکی خبررساں ادارے کی رپورٹ کے مطابق ٹوئٹر نے نئے فیچر کے تحت آواز کے ذریعے ٹوئٹ کی سہولت فراہم کی ہے تاہم یہ صرف ان صارفین کے لیے ہے جن کے پاس آپریٹننگ سسٹم ’آئی او ایس‘ زیر استعمال ہے۔

اس طرح نئے فیچر سے صرف ایپل یوزرز ہی مستفید ہوسکیں گے۔ یہی وجہ ہے کہ سوشل میڈیا پر اینڈرائیڈ صارفین کا مذاق بن رہا ہے اور آئی فون صارفین انہیں نیچا دکھانے کی کوشش کررہے ہیں۔

ٹوئیٹ کرنا اور بھی آسان، اب اپنی آواز ریکارڈ کریں، مگر کیسے؟

خیال رہے کہ آواز میں ٹوئٹ کرنا بالکل الفاظ کی ٹوئٹ کرنے جیسے ہی ہوگا، ٹوئٹ کمپوز کے آپشن پر کلک کرنے کے بعد وہاں موجود نئے آئیکن کا انتخاب کریں۔ دیے گئے تمام آپشن میں موجود ریکارڈ کے بٹن کا انتخاب کر کے آپ اپنی آواز ریکارڈ کر سکیں گے، ایک آڈیو ٹویٹ کا دورا نیہ 140 سیکنڈز رکھا گیا ہے۔

Comments

یہ بھی پڑھیں