لاہور: پاکستان تحریک انصاف نے اعتماد کے ووٹ کے موقع پر غیر حاضر ارکان کے خلاف کارروائی کا فیصلہ کیا ہے۔
ذرائع کے مطابق وزیر اعلیٰ پنجاب پرویز الہیٰ کے اعتماد کے ووٹ کے موقع پر پی ٹی آئی کی جانب سے کئی اراکین اسمبلی سے غیر حاضر تھے، جس پر پارٹی نے کارروائی کا فیصلہ کیا ہے۔
ذرائع کا کہنا ہے کہ خرم لغاری، مومنہ وحید، فیصل چیمہ، دوست مزاری اور چوہدری مسعود وزیر اعلیٰ پرویز الہٰی کے اعتماد کے ووٹ کے موقع پر اسمبلی سے غیر حاضر تھے۔
پی ڈی ایم کے حربے ناکام، پرویزالٰہی وزیراعلیٰ پنجاب برقرار
ذرائع نے بتایا کہ پانچوں اراکین کے خلاف نااہلی کا ریفرنس الیکشن کمیشن کو بھجوایا جائے گا۔
واضح رہے کہ وزیر اعلیٰ چوہدری پرویز الہٰی نے پنجاب اسمبلی سے اعتماد کا ووٹ لے لیا ہے، انھیں 186 ارکان کی حمایت ملی، اس موقع پر اپوزیشن نے ایوان میں شدید ہنگامہ آرائی کی، ووٹنگ کے دوران کرسیاں بھی چل گئیں۔
پی ٹی آئی رہنما فواد چوہدری نے کہا ہے کہ اگر کوئی قانونی رکاوٹ نہ ہوئی تو آج پنجاب اسمبلی اور پھر کے پی اسمبلی تحلیل کر دیں گے۔
