The news is by your side.

Advertisement

ووٹرز کی تعداد 10 کروڑ 75 لاکھ 14 ہزار 657 ہو گئی: الیکشن کمیشن

اسلام آباد: الیکشن کمیشن آف پاکستان نے انتخابی فہرستوں پر درج رائے دہندگان کے اعداد و شمار جاری کر دیے ہیں، ووٹرز کی تعداد 10 کروڑ 75 لاکھ 14 ہزار 657 ہو گئی۔

تفصیلات کے مطابق الیکشن کمیشن نے کہا ہے کہ انتخابی فہرستوں میں درج رائے دہندگان کی تعداد 10 کروڑ 75 لاکھ 14 ہزار 657 ہو گئی ہے۔

الیکشن کمیشن کی جانب سے ووٹرز کی رجسٹریشن کا عمل کا سلسلہ جاری ہے، پاکستانی ووٹرز کی تعداد ملکی تاریخ کی ریکارڈ سطح پر پہنچ گئی۔

ملک بھر میں اس وقت انتخابی فہرستوں میں درج رائے دہندگان کی تعداد 10 کروڑ 75 لاکھ متجاوز ہو گئی ہے، الیکشن کمیشن کے مطابق مرد ووٹرز کی کل تعداد 6 کروڑ 28 ہزار 514 ہو چکی ہے۔

الیکشن کمیشن نے بتایا کہ خواتین ووٹرز کی کل تعداد 4 کروڑ 74 لاکھ 86 ہزار 143 ہو گئی ہے، انتخابی فہرستوں میں مرد رائے دہندگان 56 فی صد جب کہ خواتین رائے دہندگان 44 فی صد ہیں۔

یہ بھی پڑھیں:  سوا کروڑ ووٹرز کے جعلی ہونے کا خدشہ

ذرایع کے مطابق عام انتخابات 2018 کے بعد سے 16 لاکھ سے زائد نئے ووٹرز رجسٹرڈ ہوئے، الیکشن کمیشن کے مطابق مرد اور خواتین ووٹرز کے درمیان 1 کروڑ 25 لاکھ سے زائد فرق تا حال موجود ہے۔

یاد رہے کہ 19 فروری کو الیکشن کمیشن آف پاکستان (ای سی پی) نے ملک میں سوا کروڑ ووٹ جعلی ہونے کے خدشے کا اظہار کیا تھا، قومی اسمبلی کی قائمہ کمیٹی برائے پارلیمانی امور کے اجلاس میں الیکشن کمیشن کے چیف سیکریٹری بابر یعقوب نے انکشاف کیا کہ سوا کروڑ ووٹ مستقل یا عارضی پتے کی بہ جائے تیسری جگہ پر درج ہیں، ان کے جعلی ہونے کا خدشہ ہے۔

Comments

comments

یہ بھی پڑھیں